ფული, თუ მეტი ფული? – საიდუმლო შეხვედრები და ყოფილი ჩინოვნიკების შიშები

ტვ პირველის ინფორმაციით ყოფილი პრემიერი, ირაკლი ღარიბაშვილი შავნაბადაზე, ჯანდაცვის ყოფილ მინისტრს ზურაბ აზარაშვილს საიდუმლოდ შეხვდა, მედიის ცნობით, ორივენი ცდილობდნენ მათი სახეები არავის დაენახა, რისთვისაც ქუდებს და კაშნეს იშველიებდნენ, ყოფილი პრემიერი კი ადგილზე არა საკუთარი ავტომობილით, არამედ დაცვის კუთვნილი მანქანით მივიდა და ისინი პარკინგზე 1 საათის მანძილზე საუბრობდნენ. ამ დროისათვის ზურაბ აზარაშვილის რამდენიმე დღის მოხსნილია მინისტრობიდან.

ცნობისთვის, ზურაბ აზარაშვილს ბოლო წლების განმავლობაში ერთ-ერთი ყველაზე დიდი სამინისტრო ებარა. ის ამ პოსტზე ირაკლი ღარიბაშვილმა დანიშნა. აზარაშვილი ყოფილი პრემიერის ნდობით აღჭურვილი მინისტრი იყო, ისინი ერთად ჯერ “ქართუში” მუშაობდნენ, მოგვიანებით ღარიბაშვილმა დანიშნა იგი “დელტაშიც”. ჯანდაცვის მინისტრობამდე, ღარიბაშვილის მოადგილე იყო თავდაცვაშიც. აზარაშვილის ხელში ტრიალებდა წელიწადში 7 მილიარდი ხალხის ფული.

იგივე მედიის ცნობით, პარტიის ოფისში ღარიბაშვილი მის ყოფილ თანაგუნდელებს არ იღებს. ძალიან ფრთხილობს და სავარაუდოდ, აქვს ეჭვი რომ იქაც, სუსი უსმენს და ამბები ივანიშვილთან მიაქვთ.

გარდა ამისა, ტვ პირველის ინფორმაციით, გადაყებული ჯანდაცვის მინისტრის, ასევე გადაყენებული მოადგილე ილია ღუდუშაური, ზურაბ აზარაშვილის მარჯვენა ხელი და შესაბამისად ირაკლი ღარიბაშვილის სანდო კადრი, შთამბეჭდავი ქონების პატრონია.

მაგალითად, იგი თბილისში, ლაღიძის 2 ნომერში, ოპერის გვერდით, ღუდუშაური 4 კომერციულ ფართს ფლობს. 

4-ვე კომერციული ფართი, რომელიც ილია ღუდუშაურმა გაიფორმა, თავის დროზე თავდაცვის სამინისტროს ეკუთვნოდა.

ამავე შენობაში, ღუდუშაურის შემდეგ, უძრავი ქონება, ჯაუნშერ ბურჭულაძის მამის სახელზეც ფორმდება.

მას შემდეგ, რაც ფართები მაღალჩინოსნებმა, ან მათმა ახლობლებმა შეიძინეს თბილისის განვითარების ფონდმა, ლაღიძის ქუჩაზე მდებარე შენობის რეაბილიტაციის გეგმა დაამტკიცა და დააფინანსა და უკვე დღეისათვის, ღუდუშაურის მიერ 676 000 ლარად ნაყიდი ქონების საბაზრო ღირებულება უკვე 7 მილიონ ლარს აჭარბებს.

მედიის ცნობით,გადამდგარი ჩინოვნიკის სიმამრმა არც კი იცის, რომ მისი სიძე, რუსთაველის გამზირზე მილიონებიან ქონებას ფლობს.

გარდა ამისა,  გოგებაშვილის ქუჩაზე, ჯანდაცვის მინისტრის უკვე ყოფილი მოადგილის ოჯახი სამ სართულიან სახლს იშენებს.  მხოლოდ ეზო, რომელზეც სახლს დგამენ 600 ათას ლარამდე დაჯდა.

დაევალა თუ არა კობახიძეს გადამალული მილიონების მოძიება, ან ქონებაში დაბანდებული ფულის ნაწილის უკან დაბრუნება საარჩევნო ყულაბისათვის? – ამ კითხვაზე ყველაზე მეტად, შესაძლოა, სწორედ ღარიბაშვილი, აზარაშვილი, ბურჭულაძე და ყოფილი პრემიერის სრული გარემოცვა ნერვიულობდეს.