ჟურნალისტი ვახო სანაია სოციალურ ქსელში პოსტს აქვეყნებს და შაქარაშვილის საქმესთან დაკავშირებით “ფორმულაზე” გასულ მიკროავტობუსის კადრებს ეხმაურება:
“დავალაგოთ ფაქტები:
1. ფერად შენობასთან დგას ტოიოტა.
2. ფერად შენობასთან ხდება რაღაც.
3. ფერად შენობასთან, სადაც ტოიოტა დგას, მიდის კიდევ სხვა მანქანა და ჩერდება 5 წუთი.
4. ეს სხვა მანქანა არის მიკროავტობუსი. ეს დაადასტურა შაქარაშვილის ბიძამ გუშინ პოლიტმეტრში. ახსენა ჭიათურის მიკროავტობუსი. თუნდაც ასე იყოს, რა უნდოდა იქ და რა დაინახა იმ 5 წუთში.
5. 5 წუთში ეს მიკროავტობუსი დაიძვრება.
6. ზუსტად ამ მონაკვეთში ლიდერფუდის კამერა აფიქსირებს სულ სამ მიკროავტობუსს. ფოტოები ავტვირთე.
7. შემდეგ – ტოიოტას ამირხანაშვილი ჩამოჰყავს თბილისში, წერეთელზე ჩამოსვამს.
8. დაახლოებით 2 წუთში თბილისში, წერეთელზე, ზუსტად იქ სადაც ტოიოტამ ამირხანაშვილი ჩამოსვა, ჩერდება მიკროავტობუსი. იქიდან გადმოდის თეთრპერანგიანი ახალგაზრდა.
9. მიკროავტობუსიდან გადმოსული ახალგაზრდა უახლოვდება ამირხანაშვილს.
10. ორივენი იქვე მიფარებულში დგანან და სავარაუდოდ საუბრობენ.
11. სადაც ამირხანაშვილი და ის ახალგაზრდა საუბრობენ რამდენიმე წუთში ჩერდება ტაქსი, რომელშიც ვიღაც ჯდება – შესაძლოა, ამირხანაშვილი, ან ის მეორე ახალგაზრდა ან ორივე ერთად. ეს არის ის, რაც ფაქტობრივად უტყუარი ამბავია. იმედია, გამოძიება რამეს გვეტყვის”
აგერ ფოტოები:
პირველ ფოტოზე – მიკროავტობუსი, რომელიც წერეთელზე ჩერდება და იქიდან გადმოსული ადამიანი მიემართება ამირხანაშვილის მიმართულებით.
დანარჩენი სამი ფოტო. მცხეთა. ფერადი სახლიდან ლიდერფუდის მიმართულება.
ჩვენ მიერ გუშინ გაშვებული კადრების მონაკვეთში ფერადი სახლიდან ლიდერფუდამდე ჩაიარა სულ სამმა მიკროავტობუსმა. ახლა გამოძიებამ უნდა თქვას ზუსტად – წერეთლის მიკროავრუბუსი და ლიდერფუდთან გადარებული სამი მიკროავტობუსიდან არის თუ არა რომელიმე იდენტური. სულ ორი პასუხია – კი ან არა. ამ სამი მიკროავტობუსიდან რომელიმე იმ ღამით ჩამოვიდა წერეთელზე თუ არ ?
შოთაძე გადააყენეს ხორავას საქმეზე.
მერე დააბრუნეს.
ახლა შაქარაშვილის საქმე.“
კომენტარები