მეოთხე ბრიგადის ყოფილი მეთაური, ვიცე-პოლკოვნიკი ზურა შამათავა, სოციალურ ქსელში აქვეყნებს ფოტოს და წერს:
“გუშინ 24 ივნისს აღმოვაჩინეთ, რომ
ჩვენი ბინა გაქურდეს. (რამდენიმე დღე არ ვიყავით თბილისში). სინამდვილეში დაკვირვებული ადამიანი მარტივად მიხვდება, რომ კი არ გაგვქურდეს, არამედ სუსმა ჩაატარა უკანონო ჩხრეკა! ბინის რკინის კარი სპეციალური მოწყობილობით არის გაღებული, ბინიდან წაღებულია მხოლოდ ჩვენი ოჯახის კუთვნილი კანონიერად რეგისტრირებული გლოკის სისტემის ცეცხლსასროლი იარაღი და ვაზნები! საგულდაგულოდ გაჩხრეკილი და დათვალიერებულია ძირითადად მხოლოდ ჩემი პირადი ნივთები, მაგრამ მთავარი რაც მინდა რომ იცოდეთ!
სუსის თანამშრონელმა, რომელსაც ეს უკანონო დავალება სუსის ერთ ერთმა ხელმძღვანელმა მისცა, ძალიან საგულისხმო დემონსტრაციული პროტესტი გამოხატა: მან ჩემი სახელმწიფი მხედრული ჯილდოები გვერდიგვერდ განალაგა ჩემს ოთახში, ხელი არ ახლო მათ, არ შეურაცყო მხედრული ღირსება, რაც მე განვმარტე როგორც მისი მხრიდან დანაშაულებრივი დავალების გამცემი ხელმძღვანელობის მიმართ პროტესტის თუნდაც ამ ფორმით დემონსტრირება.
მე ვფიქრობ იარაღი გაიტაცეს ჩემს მიმართ პროვოკაციის მიზნით, მაგრამ ასევე დარწმუნებული ვარ იმაში, რომ ეს წარმავალი რეჟიმი სულ რამდენიმე თვეში დაასრულებს არსებობას!”
შეგახსენებთ ზურა შამათავას სახლში 2018 წელს ჩხრეკა ჩაატარეს, შამათავა ხობში დააკავეს და იგი რამდენიმე საათის მანძილზე იკითხებოდა – მაშინ შსს ამბობდა, რომ მათ შეუვიდათ შეტყობინება, რომ იგი უკანონო იარაღს ფლობს – თუმცა, ბრალდება არ დადასტურდა და რამდენიმე საათშივე გამოუშვეს.“
კომენტარები