“ფეისბუქის გარეშე ძალიან კარგად ვიცხოვრებდით” – რას პასუხობენ კომპანია “მეტას” მუქარას ევროპელი პოლიტიკოსები

გერმანელი და ფრანგი პოლიტიკოსები გამოეხმაურნენ კომპანია „მეტას“ მუქარას ევროპაში ფეისბუკისა და ინსტაგრამის გათიშვის შესახებ: „ფეისბუქის გარეშე ჩვენ ძალიან კარგად ვიცხოვრებდით“, – განაცხადა საფრანგეთის ფინანსთა და ეკონომიკის მინისტრმა ბრუნო ლე მერმა გერმანიის ეკონომიკის მინისტრ რობერტ ჰაბეკთან ერთობლივ პრესკონფერენციაზე

„მას შემდეგ რაც ჰაკერების მსხვერპლი გავხდი, ოთხი წელია ფეისბუქისა და ტვიტერის გარეშე ვცხოვრობ და ეს ფანტასტიკურია“, – დასძინა ჰაბეკმა

„მეტამ“ განაცხადა, რომ შესაძლოა იძულებული გახდეს ფეისბუქი და ინსტაგრამი გათიშოს ევროპაში მომხმარებელთა პირადი ინფორმაციის კონფიდენციალურობის წესებზე უთანხმოების გამო.

წყარო – რადიო თავისუფლება