“ფასები ჩვენთან უფრო იაფია, ვიდრე საფრანგეთში, ევროპაში” – კობახიძე

ქართული ოცნების პირველი პირი, ირაკლი კობახიძე, ტვ იმედთან, ამბობს:

 “სურათი არის ასეთი – ჩვენ საბოლოო ჯამში, როდესაც უფრო სიღრმისეულად ჩავიხედეთ ფასებში და შევაფასეთ სოციალურად ყველაზე საინტერესო, ფართო მოხმარების პროდუქტების კალათა. შევადარეთ საქართველოს და საფრანგეთის ფასები, აბსოლუტურად ობიექტურად ავიღეთ შესადარი პროდუქტები,ნუ, დასკვნამდე მივედით, რომ 50%-ით ძვირია საფრანგეთში ზუსტად იდენტური პროდუქტის შეძენა, რასაც, შესაბამისად, უფრო იაფად შეიძენ საქართველოში, ესაა საერთო სურათი.

თუმცა არის გარკვეული ტიპის პროდუქტები, ესაა უმეტესად კონკრეტული ბრენდის პროდუქტები, რომელიც იდენტურია საქართველოში, მაგალითად ყავა რომ ავიღოთ, ან შოკოლადის კარაქი, სადაც რატომღაც ჩანს, რომ ჩვენთან ფასები არის ბევრად უფრო ძვირიც კი, ზოგიერთ შემთხვევაში ვიდრე, თუნდაც საფრანგეთში.

ანუ, საერთო სურათი არის საპირიპირო, მაგრამ კონკრეტული პროდუქტები არსებობს, სადაც ფასები ბევრად უფრო ძვირია, აი, აქ ზუსტად ჩასახედია, დამატებით, ხომ არ არის ამის მიზეზი, მაგალითად, დისტრიბუტორის, იმპორტიორის მონოპოლიური მდგომარეობა, ან გარკვეული კარტერული გარიგება კონკრეტულ პროდუქტთან მიმართებით.

რაც ყველაზე საინტერესოა, კი ფასები ჩვენთან ნომინალურად უფრო იაფია, ვიდრე საფრანგეთში, ევროპაში, განსაკუთრებით დასავლეთ ევროპის ქვეყნებში.

მაგრამ აქ მეორე მომენტია, რომ ბუნებრივია, ხელფასი არის საქართველოში ბევრად ნაკლები. საფრანგეთს რომ შევადაროთ, ბოლო კვარტლის მონაცემებით, ჩვენთან საშუალო ხელფასი დაახლოებით 2 400 ლარია, საფრანგეთში საშუალო, სუფთა ხელფასი დაახლოებით არის 2 680 ევრო. ხედავთ, რომ ძალიან დიდია სხვაობა.

საბოლოო ჯამში, დღევანდელი მდგომარეობით, საფრანგეთი და საქართველო რომ შევადაროთ ერთმანეთს, ყველაფრის გათვალისწინებით, ნომინალური ხელფასის, ხარჯების და ა.შ გათვალისწინებით საფრანგეთში მოქალაქე ცხოვრობს ზუსტად ორჯერ უკეთესად, ვიდრე საქართველოში.” – ამბობს ირაკლი კობახიძე ტელეკომპანია „იმედის“ ეთერში.