მიხეილ სააკაშვილთან ცოტა ხანში მისი ადვოკატი დიტო საძაგლიშვილი შევა. გლდანის ციხესთან უფლებადამცველი რამდენიმე წუთის წინ მივიდა. როგორც ის ამბობს, დამატებითო ინფორაცია მესამე პრეზიდენტის მდგომარეობაზე მისთვის ჯერჯერობით უცნობია.
დიტო საძაგლიშვილის თქმით, ექიმთა კონსილიუმის ერთობლივ შეფასებასა და დასკვნას, რომ მიხეილ სააკაშვილი სამოქალაქო კლინიკაშია გადასაყვანი, მძიმე მდგომარეობის მიუხედავად, პენიტენციური არ ითვალისწინებს:
“პენიტენციური სამსახურის დუმილი და ამის არგაკეთება მიუთითებს იმაზე, რომ პენიტენციური სამსახური არ ხელმძღვანელობს და მათი მიზანი არ არის მიხეილ სააკაშვილის ჯანმრთელობაზე და სიცოცხლეზე ზრუნვა, არამედ ისინი არიან პოლიტიკური დღის წესრიგის აღმსრულებლები” – ამბობს დიტო საძაგლიშვილი.
მეტი ინფორმაცია მიხეილ სააკაშვილის ჯანმრთელობის მდგომარეობის შესახებ მას შემდეგ გახდება ცნობილი, რაც ადვოკატი მას მოინახულებს.
ამაჟამად კი ცნობილია მხოლოდ ის, რომ მესამე პრეზიდენტი რეანიმაციულ განყოფილებაშია. მან გუშინ, 18 ნოემბერს შიმშილობის 49-ე დღეს გონება დაკარგა. მიუხედავად ამისა, ხელისუფლება არ ჩქარობს მის მულტიპროფილურ კლინიკაში გადაყვანას.
დღეს შიმშილობის 50-ე დღეა.
კომენტარები