რუსთავის მე-17 დაწესებულებაში მომხდარი უბედური შემთხვევის შესახებ ახალი დეტალები ხდება ცნობილი. ადვოკატის ინფორმაციით, ერთ-ერთი პატიმარი, რომელიც ხანძრის შედეგად დაიღუპა, მეორე პატიმრის გადარჩენას ცდილობდა და დაკვამლიანებულ სასადილოში შევარდა. ხანძარი სავარაუდოდ, ციხის სასადილოში გაჩნდა.
ერთ-ერთი პატიმარი შევარდა შიგნით მეორე პატიმრის, თავისი მეგობრის გადარჩენის მიზნით და სამწუხაროდ, იქიდან ვეღარ გამოვიდნენ ძლიერი კვამლის გამო”, – ამბობს ადვოკატი, ჯაბა კოჭლამაზაშვილი “პირველებთან”.
ცნობისთვის, იუსტიციის სამინისტრო პატიმრების გარდაცვალების შესახებ ინფორმაციას მალავდა. ცოტა ხნის წინ უწყებამ ხანძრის შედეგად 2 პატიმრის გარდაცვალების შესახებ ინფრომაცია დაადასტურა.
სასჯელაღსრულების მე-17 დაწესებულებაში ხანძარი გუშინ სასადილოში გაჩნდა. ადგილზე 6 სახანძრო-სამაშველო ბრიგადა და 11 სახანძრო მანქანა მუშაობდა.
კომენტარები