მედიცინის დოქტორი, სამედიცინო ცენტრის „ლაბუნი“ ხელმძღვანელი, გიორგი კავკასიძე:
“ქართულენოვან ფეისბუკში უამრავი მეცნიერულად დაუსაბუთებელი ინფორმაცია ვრცელდება. ეს შეეხება როგორც SARS-CoV-2 ვირუსს და მის საშიშ ვარიენტებს, ასევე ვაქცინაციას. რაც მოსახლეობას აბნევს და ვაქცინაციის მიმართ სკეპტიციზმს ზრდის.
ამ ბოლო დროს დასავლეთის პრესაში პანდემიის თემაზე გამოქვეყნებული თითქმის ყველა ინფორმაცია შეეხება SARS-CoV-2 ვირუსის დელტა ვარიანტს. დელტა ვარიანტის გავრცელების შედეგებს ადარებენ ალფა (ბრიტანულ) ვარიანტს რომელიც დომინირებდა ევროპაში 2020 წლის ბოლოს 2021 დასაწყისში.
ჩვენ დღემდე არ ვიცით ზუსტად რომელი და/ან რამდენი ვარიანტი ცირკულირებს საქართველოში. არც ის ვიცით რომელი ვარიანტია დომინანტი. აპელირება იმაზე რომ გახშირებული შემთხვევები დელტა ვარიანტის მიზეზია, არის ვარაუდი რომელსაც საფუძვლად არ უდევს მეცნიერული კვლევა. PCR მეთოდით შეუძლებელია ვირუსის ვარიანტის ზუსტი იდენტიფიცირება. რომ გავიგოთ რომელი ვარიანტები ცირკულირებს საქართველოში, აუციებელია ყოვლდღიური ახალი შემთხვევებიდან, რანდომულად შერჩეული 20-25 ნიმუშის ახალი თაობის სექვენირების (NGS- New Generation Sequencing) მეთოდით გამოკვლევა. არ არის გამორიცხული რომ საქართელოში SARS-CoV-2 ვირუსის რამდენიმე ვარიანტი ცირკულირებდეს და დელტა არ იყოს დომინანტი.
ცალკე პრობლემაა ვაქცინებთან დაკავშირებული მითები და „მოსაზრებები“
„ვაქცინირებულები ისევე ინფიცირდებიან როგორც არავაქცინირებულები“
ისრაელში, შებას კლინიკაში (Sheba Hospital) თანამშრომლებზე ჩატარებულმა კვლევამ აჩვენა რომ ვაქცინაცია 78% -ით ამცირებს აცრილების ინფიცირებას არაცრილებთან შედარებით (ეს კვლევა ჩატარდა ისრაელში დელტა ვარიანტის გავრცელებამდე)
„თუ ვაქცინაცია ვერ მიცავს ინფიცირებისგან, რატომ უნდა ავიცრა?“
უპირველეს ყოვლისა უნდა განვასხვავოთ (ლაბორატორიულად დადასტურებული) ინფიცირება და ინფიცირების შედეგად გამოწვეული ავადმყოფობა. ინფიცირებულ ადამიანს შეიძლება კოვიდ-19 ის კლინიკური ნიშნები საერთოდ არ ჰქონდეს.
აშშ დაავადებათა კონტროლის ცენტრის ინფორმაციით ვაქცინაცია 25-ჯერ (!) ამცირებს კოვიდ-19 გამო ჰოსპიტალიზაციას, ასევე 25-ჯერ (!) ამცირებს სიკვდილობას.
„ვაქცინირებული და არავაქცინირებული ერთნაირად ავრცელებს ვირუსს“
ინგლისში, 365’000 ოჯახზე ჩატარებულმა კვლევამ აჩვენა რომ ვაქცინირებულის მიერ არავაქცინირებული ოჯახის წევრების ინფიცირება 40%-50% ნაკლები იყო ვიდრე არავაქცინირებულის მიერ ოჯახის წევრების ინფიცირების შემთხვევები.
„არ ვაპირებ ექსპერიმენტული ვაქცინით აცრას“
ფაიზერ-ბიონტეკის ვაქცინა „ექსპერიმენტული“ იყო კლინიკური კვლევების პერიოდში. ამ კვლევების საფუძველზე, აშშ და ევროპის ფარმაცევტული ბაზრის მარეგულირებელმა ორგანიზაციებმა გასცეს „გადაუდებელი აუცილებლობის ავტორიზაცია”.
დღეს ფაიზერ-ბიონტეკის კოვიდ-19 საწინააღმდეგო ვაქცინა „კომირნატი“ სრულფასოვნად არის ავტორიზებული აშშ-ს წამლისა და საკვების (FDA) სააგენტოს მიერ. დიდი ალბათობით ევროპული მარეგულირებელიც (EMA) მალე მიიღებს მსგავს გადაწყვეტილებას.”
კომენტარები