საქართველოს თავდაცვის მინისტრის ჯუანშერ ბურჭულაძის განცხადებით, ბრიუსელში გამართული შეხვედრების დროს პარტნიორების მხრიდან დაფიქსირდა პოზიცია, რომ საქართველო გახდება ნატო-ს წევრი.
„ჩვენ გვქონდა შეხვედრა ნატო-ს გენერალურ მდივნათან, ასევე, მქონდა საშუალება, გაგვეცვალა ჩვენი მოსაზრებები, შეხედულებები და კიდევ ერთხელ მიგვეღო ჩვენი პარტნიორებისგან მხარდაჭერა. შევხვდი ჩემს კოლეგებს ამერიკის შეერთებული შტატებიდან, პოლონეთიდან, სლოვენიიდან, რა თქმა უნდა, მათი პოზიცია არის უცვლელი და ძალიან მტკიცე, რომ საქართველო გახდება ნატო-ს წევრი.
ჩვენი მთავარი ამოცანა არის ჩვენი ქვეყნის მთლიანობა. ნატო არის ის ერთადერთი გზა, რითიც ჩვენ შევძლებთ ჩვენი ქვეყნის მთლიანობას, სხვა გზას ამ ამოცანის მიღწევისთვის ვერ ვხედავთ“, – აღნიშნა ჯუანშერ ბურჭულაძემ.
კომენტარები