პარლამენტში სიძულვილის გარდა არაფერი მინახავს – ომბუდსმენი “უხამსობის” კანონს ეხმაურება

24 საათში მიღებული კანონი მაუწყებლობის შესახებ სახალხო დამცველმა შეაფასა პარლამენტში.

ლევან იოსელიანი:

“სიძულვილის ენა ჩვენს ქვეყანაში არის პრობლემა და ამას ყველაზე კარგად, მგონი, ეს დარბაზი განასახიერებს, სადაც როცა ვიყავი აქ, მე სიძულვილის გარდა ადამიანების ერთმანეთის მიმართ არაფერი სხვა სამწუხაროდ, არ მინახავს. მაგრამ ამავე დროს, არ უნდა დაგვავიწყდეს, რომ მეათე მუხლით დაცული გამოხატვის თავისუფლება არის ის სიკეთე, რომელიც არ შეიძლება შეიზღუდოს არანაირი საფუძვლით და ეს ბალანსი სახელმწიფომ უნდა დაიცვას სწორად, თუმცა ის, რომ სიძულვილის ენას არა მხოლოდ საქართველოში, არამედ მთელ ცივილიზებულ სამყაროში უპირისპირდება კანონმდებლობა და უპირისპირდება საერთაშორისო კანონმდებლობა მათ შორის, ეს ბუნებრივია და არახალია.”