ილიაუნის გაფიცულმა სტუდენტებმა სპეციალური განცხადება გააკეთეს, სადაც შემდეგი შეკრების დრო და ადგილი გამოაცხადეს. ისინი პარასკევს, 5 საათზე პარლამენტის უკან შეიკრიბებიან და მოუწოდბენე ყველას, მათ პროტესტს შეურთდნენ, რადგან მათი თქმით, “ახლა ქვეყანაა დასაცავი“.
მათ ასევე დაპატიმრებულ სტუდენტ, ლიკა ლორთქიფანიძეს მიმართეს და მადლობა გადაუხადეს იმ ბრძოლისთვის, რომელიც მან რუსთაველზე დგომის დროს აჩვენა.
ლიკა ახლა ციხიდან გვიყრებს, ამიტომ, მადლობა გვინდა გადავუხადოთ თავდაუზოგავი ბრძოლისთვის, რომ არ ნებდება, უყვარს თავისი ქვეყანა, მადლობა ლიკა, ჩვენ შენს გვერდით ვართ. დღეს ვართ ქვეყანაში, სადაც 19 წლის გოგოები, თათია და ლიკა დააკავეს სიტყვების გამო-“ძირს რუსეთის დამპალი იმპერია“, უკანონო პატიმრობაშია კიდევ ერთი სტუდენტი, ლუკა ნაცვლიშვილი. ლიკას მშობლები ემიგრაციიდან გულშემატკივრობენ შვილს და იქიდან უწევთ მისი დამშვიდება. რეპრესიები იზრდება და ამიტომ, დროა, გაიზარდოს წინააღმდეგობაც. ვერ აგვიკრძალავენ ვთქვათ სიტყვები “ძირს რუსეთის დამპალი იმპერია“, შეეცდებიან? ჩვენგან მიიღებენ უფრო ხმამაღლა ამ სიტყვებს. ბრძოლა გრძელდება გამარჯვებამდე. პარასკევს, 17:00 საათზე, ვიკრიბებით პარლამენტის უკან, მოგიწოდებთ ყველას შემოგვიერთდით, რათა დავიცვათ საქართველო, მოვუწოდებთ სტუდენტებს შემოგვიერთდით, არ აქვს მნიშვნელობა არცერთ ქულას რუსულ ქვეყანაში, არ აქვს მნიშვნელობას არცერთ ქულას ისე, როგორც თავისუფლებას, არ აქვს მნიშვნელობას არცერთ ქულას, თუ არ გვეცოდინება რა არის სოლიდარობა და ემპათია. ამ ქვეყნის ისტორია ერთი დიდი ბრძოლაა თავისუფლებისთვის, ახლა ჯერი ჩვენზეა და ჩვენ ვქმნით ხვალინდელ დღეს. ირწმუნეთ თქვენი ძალების, არ დაუჯეროთ პროპაგანდას და შემოგვიერთდით, გამარჯვების დროშა ახლა ჩვენს ხელშია და არ გვაქვს უფლება გავჩერდეთ.
გვინდა მივმართოთ ოპოზიციასაც, არ გაბედოთ თვიმმართველობის არჩევნებში მონაწილეობა, წინააღმდეგ შემთხვევაში მიიღებთ პასუხს ჩვენგან, ახლა უკომპრომისო ბრძოლის დროა და არა რეჟიმთან თანამშრომლობის. დღეს ყველაზე მნიშვნელოვანი, “თავისუფლება რეჟიმის ტყვეებს“, “ძირს რუსული რეჟიმი“, გვახსოვდეს, ძალა სტუდენტების ერთობაშია, ბრძოლა გრძელდება ბოლომდე, – განაცხადა ხალიბეგ მაგამედოვმა.
ლიკა ლორთქიფანიძეს მეგობრებმაც მიმართეს და მას მხნეობისკენ მოუწოდეს.
გელოდებით, ნახავ ალბათ რამდენი ადამიანია შეკრებილი შენს მხარდასაჭერად, ატრ გავჩერდებით, ეს 12 დრე ყველაზე აქტიური იქნება და ერთი სული გვაქვს როდის გამოხვალ“,- ასე მიმართეს მეგობარს სატელევიზიო ეთერში.
კომენტარები