ოზურგეთის მერია წარმომადგენელი სოფელ მერიაში, გრიგოლ კოსტავა, ქრთამის აღებია ფაქტზე დააკავეს.
კოსტავამ, რომელიც ამ თანამდებობას 2018 წლიდან იკავებს, მოქალაქეს ყალბი საბუთის სანაცვლოდ ხუთასი ლარი გამოართვა.
გამოძიებით დადგენილია, რომ 10 კუბური მეტრი სამერქნე მასალის ადგილწარმოშობის ყალბი ცნობის გაცემის სანაცვლოდ, გ. კ-მ მოქალაქეს ქრთამის სახით მოსთხოვა და გამოართვა 500 ლარი.
გამოძიება მიმდინარეობს ქრთამის აღების ფაქტზე, დანაშაული გათვალისწინებული საქართველოს სსკ-ის 338-ე მუხლის პირველი ნაწილით, რაც სასჯელის სახით ითვალისწინებს თავისუფლების აღკვეთას 6-დან 9 წლამდე ვადით.
გამოძიებას აწარმოებს სახელმწიფო უსაფრთხოების სამსახურის ანტიკორუფციული სააგენტო– აღნიშნავენ სუსში.
ოზურგეთის მერიაში აღნიშნულ საკითხზე კომენტარს არ აკეთებენ.
კომენტარები