“ოცნების დეპუტატებს ავალებს მორალურად პრობლემურ გადაწყვეტილებას…” – იაგო ხვიჩია

დეპუტატი, იაგი ხვიჩია, “ტვ. პირველთან, სამი დეპუტატისთვის უფლებამოსილების შეწყვეტაზე საუბრისას, ამბობს:

“ეს სამი შემთხვევა ერთმანეთისგან განსხვავდება – ელენე ხოშტარიას ამბავი – ეს მისი სურვილია. მეორეა – შალვა ნათელაშვილი, რომელმაც როგორც ბატონმა პაპუაშვილმა თქვა, 70 სხდომიდან ყველა გააცდინა და თითქოს მპორალური არგუმენტი აქვს ქართულ ოცნებას. კონტრარგუმენტი არის ის, რომ როგორც უნდა იქცეოდეს შალვა ნათელაშვილი, იგი ქართული ოცნების დეპუტატებს არ აურჩევიათ, ქართულმა ხალხმა აირჩია და შალვა ნათელაშვილი ბოლო 20 წელია ასეთია, ასეთი აირჩია ის ქართველმა ხალხმა.

რაც შეეხება ბადრი ჯაფარიძეს – ის არც გაცდენებით გამოირჩევა, მოქმედი, აქტიური პარლამენტის წევრია, ადამიანურადაც, არ განეკუთვნება იმ ადამიანებს, ვინც ადამიანებს ლანძღავს და არც პიროვნული აგრესია არსებობს მის წინააღმდეგ, სასამართლო გადაწყვეტილების მიხედვით, ის არც ნასამართლევია და ეს გადაწყვეტილება რაღაცნაირად კურიოზია საქართველოს სასამართლო პრაქტიკაში. ბადრი ჯაფარიძის დეპუტატის მანდატის მოხსნა არაფერში წერია. გარდა იმისა, რომ ქართული ოცნება ზოგადად ოპოზიციის შეცდომების გამო ძალიან გათამამებულია, ქართული ოცნება მიდის მორალურად პრობლემურ გადაწყვეტილებამდე. მესმის ქართუილი ოცნების წარმომადგენლების არგუმენტების ნათელაშვილთან და ხოშტარიასთან მიმართებაში, ვეთანხმები, თუ არ ვეთანხმები, გასაგები არგუმენტებია, თუმცა, ბადრი ჯაფარიძის ქეისმა გააშიშვლა მთელი ეს პროცესი და აჩვენა, რომ არანაირ პიროვნულ ნებაზე არ არის დამოკიდებული, რაღაცნაირად არსებობს ხაზი, რომელიც ადამიანებს, ქართული ოცნების დეპუტატებს ავალებს მორალურად პრობლემურ გადაწყვეტილებას, რომელიც არავის დაავიწყდება მომავალში.”