“ოცნება” რუსულ მხარესთან შეთანხმებით, უკვე მერამდენედ ხურავს საოკუპაციო ხაზს” – ბელქანია

წალენჯიხის მერის მოადგილე, ისტოროკოსი, თამარ ბელქანია:

ჩვენ ფახულანში, საოკუპაციო გამყოფ ხაზზე ვიმყოფებით, აქ აფხაზეთის სიო უბერავს. აქ ერთი ხელის გაწვდენაზეა დროებით ოკუპირებული აფხაზეთი.

3 დღეა ორივე მხრიდან აქ მოძრაობა შეჩერებულია, მესამე დღეა ადამიანებს არ აქვთ უფლება გადმოვიდნენ ოკუპირებული აფხაზეთიდან ნათესავების სანახავად, ამ პროდუქტის შესაძენად. ამას მერამდენედ აკეთებს ქართული ოცნება, როცა რუსულ მხარესთან შეთანხმებით, საოკუპაციო ხაზს ხურავს.

მხოლოდ ენგურჰესის ტრანსპორტს შეუძლია, წინასწარ შეთანხმებული სიებით გადმოიყვანოს ენგურჰესის ის თანამშრომლები, რომლებიც ხმას ქართულ ოცნებას მისცემენ.

მერამდენედ ქართულ ოცნებას ოკუპირებულ აფხაზეთში მცხოვრები ქართველები ხმის უფლების გარეშე ჰყავს დატოვებული.

მერამდენედ ქართულ ოცნებას არ აინტერესებს რას ფიქრობს, რა უნდა იმ ხალხს, რომელიც ოკუპირებულ აფხაზეთშია დარჩენილი.

ქართული ოცნების პოლიტიკა მათთან მიმართებაში თანხმობაშია სწორედ რუსულ ოკუპაციასთან და ამ პროცესში ყოველ ჯერზე ჩართულია ენგურჰესი, რომლის ხელმძღვანელიც, მებონია გახლავთ ქართული ოცნების კვოტით საკრებულოს წევრი.

ეს ყველაფერი უნდა დასრულდეს. ეს ტერიტორიები დროებით ოკუპირებულია, საქართველო აუცილებლად დაიბრუნებს ამ ტერიტორიას და აუცილებლად დაუბრუნებს ამ ხალხს ხმის უფლებას. ამ ეტაპზე მათ ეს უფლება შეჩერებული აქვთ.

ხვალინდელი არჩევნები ეს არ არის ჩვეულებრივი არჩევნები, ეს არის ისტორიული არჩევანი, როცა ჩვენ უარი უნდა ვთქვათ სწორედ საბჭოთა რეჟიმზე, სწორედ ოკუპაციაზე, სწორედ ტოტალიტარულ რეჟიმზე, რომელიც ქმნის ამ პოლიტიკას, როდესაც ოკუპირებული ტერიტორიიდან ადამიანს ართმევს ფუნდამენტურ, ხმის უფლებას.

ამიტომ, აუცილებლად მოდით არჩევნებზე, აუცილებლად მიეცით ხმა ოპოზიციას, აუცილებლად მიეცით ხმა ძლიერ საქართველოს, იმისთვის რომ ჩვენ აფხაზეთს დავუბრუნოთ ხმის უფლება და შემდგომ ტერიტორიული მთლიანობა აღვადგინოთ.