“Მორჩა რუსეთის “ბაბაიობა” – Თუ პაპუაშვილს აქ ჩამოსვლის ეშინიათ, მზად ვარ, დავხვდე და დავახვედრო უკრაინელი მებრძოლები” – ვატო გელაშვილი

“შეაჩერე კორუფციას” თანადამფუძნებელი, ვატო გელაშვილი:

“ძალიან სწორი იქნება, ჩვენი ხელისუფლებიდან ვინმე თუ ჩამოვა და ნახავს იმ უბედურებას, რაც ბუჩაში ხდება. Მჯერა, გულის სიღრმეში ისინიც ნორმალური ადამიანები არიან და სანამ პოლიტიკოსები გახდებოდნენ, ალბათ, შეეძლოთ გულშემატკივრობა, კარგისა და ცუდის გარჩევა. Ჩვენ, აქ მყოფ ადამიანებს, ვინც ვეხმარებით უკრაინელებს ამ მძიმე ჟამს, ბევრი პოლიტიკოსის გამო ძალიან ბევრჯერ მოგვიწია თავის მართლდება და მათთვის სირცხვილის მოწმენდა.

1 თვის წინ რომ ჰქონოდა ხელისუფლებას ეგ პოზიცია კიდე გასაგები იქნებოდა. იფიქრებდი, ეშინია რუსეთის აგრესიის და იმიტომ ლაპარაკობს სისულელეებსო. რას იზამ? გმირობას და ვაჟკაცობას ყველას ვერ მოსთხოვ, მაგრამ დღეს უკვე ერთი ადგილის თამაში არ გამოვა. Ან ხარ ცივილური სამყაროს ნაწილი ან ხარ სიბნელე, სიმხდალე და იმ ბავშვების მკვლელობის თანამონაწილე, რომელთა გვამების თვლა ჯერ კიდევ არ დასრულებულა და წინ რა გველოდება, არც კი ვიცით.

Თუ პაპუაშვილს ან ვინმეს ოცნებიდან აქ ჩამოსვლის ეშინიათ, Მე მზად ვარ, მათ დავხვდე, დავახვედრო მათ უკრაინელი მებრძოლები და უსაფრთხოდ უზრუნველვყოთ მათი გადაადგილება.

Ჯერ კიდევ მაშინ, სანამ უკრაინული ჯარი შევიდოდა ბუჩაში, ვამბობდი ჩემს ერთ-ერთ ლაივში, რომ ბუჩაში მომხდარი ამბების მერე სხვანაირი იქნებოდა დასავლეთის პოზიციებიც და, თუ ვინმე ფეხს ითრევდა უკრაინისთვის დახმარებასთან და თანადგომასთან მიმართებით, აუცილებლად შეცვლიდა პოზიციას. Ესეც მოხდა, რადგან აქ რუსეთის ნამოქმედარს სახელიც კი ვერ მოვუფიქრეთ.
Მე არ მინდა, რომ მცხვენოდეს ჩემი ქვეყნის პოლიტიკოსების გამო. Იმედია, რაციონალურად მოიქცევიან. Მორჩა რუსეთის “ბაბაიობა”. Მისი აღსასრულის დღე დგება. ბუდ ლასკო ნე სორიმტესა.”