“ოპოზიციას ვთავაზობთ “სახალხო იმპიჩმენტს” – რა გეგმა აქვს ანა დოლიძეს?

ანა დოლიძე ოპოზიციას, ხელისუფლებასთან ბრძოლის სამართლებრივ გზად, მუნიციპალიტეტებში საკრებულოებისა და ამომრჩევლის მხრიდან ქართული ოცნების მერის იმპიჩმენტის საკითხის დაყენებას სთავაზობს და ამბობს:

„ჩვენ, ოპოზიციას  ვთავაზობთ სამოქმედო გეგმას, რომელსაც ვუწოდებთ „სახალხო იმპიჩმენტს“. თვითმმართველობის კანონმდებლობის გამოყენებით შესაძლებელია იმ რაიონებში, სადაც ოპოზიციას საკრებულოებში უმრავლესობა აქვს (ეს რაიონებია – ბათუმი, რუსთავი,ზუგდიდი, ჩხოროწყუ, მარტვილი) დააყენოს მერის იმპიჩმენტის საკითხი კანონმდებლობის მიხედვით. ამასთან, იმ რაიონებში, სადაც საკრებულოში უმრავლესობა აქვს მმართველ გუნდს,  ამომრჩეველთა 20%-ს აქვს საშუალება, შეგროვებული ხელმოწერების საფუძველზე, მიმართოს ადგილობრივ საკრებულოებს, რომელთა 2/3-ს აქვს უფლება დასვას მერის იმპიჩმენტის საკითხი“ 

დოლიძეს მიაჩნია, რომ ქართულმა ოცნებამ არჩევნები გააყალბა. ზუგდიდში, ბათუმსა და ქუთაისში ცესკოს შედეგები კი მისთვის განსაკუთრებით შემაშფოთებელი იყო, რადგან გამარჯვება ოპოზიციის კანდიდატებმა მოიპოვეს.