ლევან ჯავახიშვილი
„ალიას“ ესაუბრება ექსპერტი, გია ხუხაშვილი.
– რაღაც შეუსაბამო, ალოგიკური ვითარებაა. ოპოზიციიდან ყველა აღიარებს, რომ ქვეყნის დე ფაქტი მმართველი ივანიშვილია, ის უშულოდ აკონტროლებს მთავრობას, პარლამენტს და სხვა ყველა მნიშვნელოვან სახელმწიფო სტრუქტურას და საქმე საქმეზე რომ მიდგება, მის მარიონეტებს, ღარიბაშვილსა და კობახიძეს უჯდებიან მოსალაპარაკებლად. ეს რაიმე თამაშია ოპოზიციისგან? თუ მართლა ასეთი ბრიყვები არიან, რომ ერთს ამბობენ და მეორეს აკეთებენ?
– ეს მოდელი შექმნა ივანიშვილმა. უნდა, რომ მუდმივად ჰქონდეს მანევრი. უნდა, რომ ღარიბაშვილი, კობახიძე და სხვები ჰყავდეს წინა ხაზზე, რომ თუ რაიმე პრობლემა შეიქმნა, განტევების ვაცებად გამოიყენოს. ირაკლი ღარიბაშვილის გადადგომას რომ ითხოვდა ხალხი, თუ ძალიან გაუჭირდებოდა ივანიშვილს, გადააყენებდა ღარიბაშვილს და დანიშნავდა ქიბროწაშვილს. რა შეიცვლებოდა? არც არაფერი. ეს მანევრი სანამ არ მოესპობა, რომ განტევების ვაცები ყაროს, მანამდე სულ ამ უბედურებაში ვიქნებით.
– გამოდის, ეს ოპოზიციონერი პოლიტიკოსები ივანიშილის ამ მანევრს, მის პოლიტიკურ თამაშს წამოეგნენ და იმ ერთ წრეზე ტრიალებენ, რომელიც ივანიშვილმა შექმნა?
– რა თქმა უნდა, ასეა სამწუხაროდ. ოპოზიციაც არაფრის კორექციას არ ახდენს და ერთ წრეზე დადიან ტლაპოდან ტლაპომდე.
კომენტარები