“ომის დეპარტამენტი” აშშ-ში – “ეს სრულიად მოულოდნელად მოხდება და თქვენ ამას ნახავთ…”

ტრამპმა პენტაგონს სახელი გადაარქვა – ამერიკის თავდაცვის დეპარტამენტს ახლა კვლავ ომის დეპარტამენტი დაერქმევა.

“ომის დეპარტამენტის” სახელით ჩვენ მოვიგეთ I მსოფლიო ომი, II მსოფლიო ომი, მოვიგეთ ყველაფერი, რაც მანამდე და ამ ორ ომს შორის იყო, ამის შემდეგ გადავარქვით სახელი და დავარქვით თავდაცვის დეპარტამენტი. მე ვფიქრობ, რომ ეს ბევრად უფრო შესაფერისი სახელია. განსაკუთრებით იმის გათვალისწინებით, თუ სად არის სამყარო ახლა. ჩვენ გვაქვს მსოფლიოში ყველაზე ძლიერი შეიარაღება და აღჭურვილობა. ჩვენ გვაქვს საუკეთესო სამხედრო აღჭურვილობის საწარმოები, მას კონკურენციას ვერავინ უწევს. ამას ადასტურებს ძალიან ბევრი რამ, მაგალითად ჩვენი Patriot-ები, რომლებიც საუკეთესოა. ყველა სამხედრო ელემენტი, რომელსაც ჩვენ ვაწარმოებთ, ამ დრომდე საუკეთესოა” – განაცხადა ტრამპმა

მან ასევე თქვა:

“ჩვენ ამაზე [უკრაინაში რუსეთის ომის დასრულებაზე] ვმუშაობთ და მათ დავეხმარებით. ჩვენ გვსურს, რომ გადავარჩინოთ ადამიანების სიცოცხლე და ამას რამეს მოვუხერხებთ. ხალხს ამის მოლოდინი აქვს. ჩვენ მათ დავეხმარებით. პირველები ევროპელები იქნებიან, მათ სურთ, რომ პირველები იყვნენ და ამ ყველაფრის დასასრული ნახონ. ეს დასრულდება. ეს სრულიად მოულოდნელად მოხდება და თქვენ ამას ნახავთ…”

ცნობისთვი, დღეს ტრამპმა სოციალურ ქსელში დაწერა:

“როგორც ჩანს, ინდოეთი და რუსეთი დავკარგეთ და ყველაზე ბნელ და ღრმა ჩინეთს დავუთმეთ. დაე, მათ ერთად ხანგრძლივი და წარმატებული მომავალი ჰქონდეთ”