ომბუდსმენის მოადგილეობას დაგითმობთ, თუ… – ვის და რის ფასად სთავაზობს „გირჩი” ომბუდსმენის მოადგილეობას

პარტია „გირჩს“ სახალხო დამცველის არჩევნებთან დაკავშირებით პოლიტიკურ პარტიებთან შეთავაზება აქვს.

მივმართავთ „ქართულ ოცნებას“ და ოპოზიციურ პარტიებს შეთავაზებით:
სახალხო დამცველს ჰყავს ორი მოადგილე. ამ ორ თანამდებობას დავუთმობთ იმ ორ პარტიას, რომლისგანაც ყველაზე მეტ მხარდაჭერას მივიღებთ  სახალხო დამცველად არჩევის დროს. ამ მოადგილეების მეშვეობით კი პარტიები შეძლებენ მათთვის პრიორიტეტულ თემებზე იმუშაონ.
ჩვენი წინადადების გაზიარების შემთხვევაში, სახალხო დამცველის არჩევა ფართო კონსენსუსის კარგი მაგალითი გახდება.“, – ამბობენ „გირჩში“.

საქართველოს პარლამენტში სახალხო დამცველობის კანდიდატებს უსმენენ. წარდგენილი 19 კანდიდატიდან უკვე მოუსმინეს 12 კანდიდატს. სახალხო დამცველობის კანდიდატია პარტია „გირჩის“ წევრი იაგო ხვიჩიაც. მას დეპუტატები ადამიანის უფლებათა დაცვის კომიტეტში ამ კვირაში მოუსმენენ.