“ქართული ოცნების” დეპუტატი, ნინო წილოსანი, წინასწარ პასუხობს ევროკავშირის საგარეო საქმეთა მინისტრების მოახლოებულ შეხვედრას და ამტკიცებს, რომ საქართველოს საკითხზე დეზინფორმაციის გავრცელებისა და ქვეყნის წინააღმდეგ პოლიტიკური ზეწოლის გასაძლიერებლად იქნება გამოყენებული.
„ჩვენ ვხედავთ ამერიკის პრეზიდენტის თუ მაღალი თანამდებობის პირების განცხადებებს იმ სამწუხარო რეგრესზე, რასაც ევროკავშირი განიცდის. ბიუროკრატია ემსახურება არა ევროპელ ხალხს და წევრ სახელმწიფოებს, არამედ სულ სხვა მიზნებს. ამიტომ, ევროკავშირის საგარეო საქმეთა მინისტრების შეკრებაზე საქართველოსთან დაკავშირებით არაერთ სიცრუეს და დეზინფორმაციას მოვისმენთ. თუ ამ ადამიანებს რეალურად აინტერესებთ, სიტყვის თავისუფლება არის თუ არა, დემოკრატია როგორ მუშაობს, ობიექტურ კვლევებს და რეიტინგებს უნდა გაეცნონ, რომლებიც მათივე ინსტიტუციების მიერ კეთდება და ალბათ, უფრო სანდო იქნება მათი განცხადებები. ამ შემთხვევაშიც ეს შეხვედრა საქართველოს წინააღმდეგ დარტყმებისთვის იქნება გამოყენებული და რისთვის ურტყამენ საქართველოს ესეც ალბათ, ყველასთვის ნათელია,“ – განაცხადა წილოსანმა.
შეგახსენებთ, დღეს ბრიუსელში ევროკავშირის საგარეო საქმეთა საბჭო შეიკრიბება. სხდომას ევროკავშირის საგარეო საქმეთა და უსაფრთხოების პოლიტიკის უმაღლესი წარმომადგენელი კაია კალასი გაუძღვება.
კომენტარები