უსაფრთხოების ჯიხურზე ასვლა, ღობეზე გადაძრომა არის პროვოკაცია, რასაც პროტესტის გამოხატვასთან არანაირი კავშირი არ აქვს – ამის შესახებ საპარლამენტო უმრავლესობის წევრმა რატი იონათამიშვილმა თბილისის საქალაქო სასამართლოსთან განვითარებული მოვლენების შეფასებისას განაცხადა.
„ნაციონალური მოძრაობა“ აქციებს იყენებს იმისთვის, რომ პროვოკაციები მოაწყოს. მათთვის პროვოკაციებით იქნება ერთადერთი შედეგი ის, რომ მათი მარგინალიზაცია ხდება. ნებისმიერი პროვოკაცია იქნება აღკვეთილი სამართალდამცველებისმხრიდან და ვერავინ შეუშლის ხელს, რომ ეს პროცესი იყოს დაცული“, – განაცხადა რატი იონათამიშვილმა.
თბილისის საქალაქო სასამართლოში 7 ნოემბრის საქმეზე პროცესი მიმდინარეობს, რომელსაც აღნიშნულ საქმეზე ბრალდებული მიხეილ სააკაშვილიც ესწრება. პარალელურად, საქალაქო სასამართლოსთან შეკრებილი არიან მიხეილ სააკაშვილის მხარდამჭერები.
კომენტარები