საპატიმროში მყოფმა რუსმა ოპოზიციონერმა პოლიტიკოსმა, ალექსეი ნავალნიმ, გამოაცხადა, რომ შიმშილობას წყვეტს. მისი თქმით, ეს მოხდება ნაბიჯ-ნაბიჯ, 24 დღის განმავლობაში.
სოციალურ ქსელში ის წერს, რომ ის ორჯერ გასინჯა სამოქალაქო ექიმთა ჯგუფმა და გააცნეს კვლევის და ანალიზების შედეგები. მედიკოსებმა სთხოვეს შიმშილობის შეწყვეტა, რადგან მის ჯანმრთელობას საფრთხე ემუქრებოდა.
44 წლის ნავალნი, რომელიც იანვრის შემდეგ საპატიმროშია, შიმშილობდა 31 მარტიდან მოყოლებული და ექიმების თქმით, მას აწუხებს ზურგის ტკივილი და უჭირს კიდურების ფლობა.
შეგახსენებთ, ალექსეი ნავალნის მომხრეთა დემონსტრაციები გაიმართა 21 აპრილს რუსეთის ბევრ ქალაქში ნავალნიმ ქუჩაში გასულ ათასობით თანამემამულეს „რუსეთის ხსნა“ უწოდა. პოლიციამ დააპატიმრა 1700 დემონსტრანტი.
კომენტარები