“ნახევარ კილოგრამ თაფლს არ უნდა ჭამდეს…” – ღარიბაშვილი

პრემიერმინისტრ ირაკლი ღარიბაშვილის თქმით, “როდესაც ადამიანი აცხადებს, რომ შიმშილობს, ნახევარ კილოგრამ თაფლს არ უნდა ჭამდეს”. ასე ეხმაურება ის მიხეილ სააკაშვილის შიმშილობას.

“როდესაც ადამიანი აცხადებს, რომ შიმშილობს, ნახევარ კილოგრამ თაფლს არ უნდა ჭამდეს. შესაბამისმა სამსახურმა ამის თაობაზე ინფორმაციაც გაავრცელა. მან პირადად იყიდა საკუთარი ბარათით შვიდი კოლოფი თაფლი და ნახევარი კილოგრამი მიიღო”, – თქვა ღარიბაშვილმა ჟურნალისტებთან.

კითხვაზე გადასცემენ თუ არა სააკაშვილს უკრაინულ მხარეს, პრემიერმა აღნიშნა, რომ გამორიცხულია. რაც შეეხება პრეზიდენტის მიერ მიხეილ სააკაშვილის შეწყალებას, პრემიერმა აღნიშნა, რომ პრეზიდენტმა ამის შესახებ პოზიცია სააკაშვილის დაკავების დღესვე დააფიქსირა.

„გამორიცხულია, ასი პროცენტით გიდასტურებთ. ჯერ ერთი, არავინ ითხოვს მის გადაცემას, რომც მოითხოვონ, არავინ გადასცემს და მინიმუმ, 6 წლის მოხდის შემდეგ შეუძლია, რომ წავიდეს ნებისმიერ ქვეყანაში.

პრეზიდენტმა სალომე ზურაბიშვილმა, იმავე საღამოს, როდესაც დააკავეს სააკაშვილი, განაცხადა, რომ ეს არის გამორიცხული და ეს საკითხი არის დახურული“,