ამერიკულმა კომპანია Nike-მა რუსულ საფეხბურთო კლუბთან, მოსკოვის სპარტაკთან თანამშრომლობა შეწყვიტა.
“კომპანია ნაიკმა კლუბს შეატყობინა, რომ გუნდთან სპონსორობის ხელშეკრულება გაწყვიტა უეფას მიერ დაწესებული სანქციების გამო, რომლის მიხედვითაც მოსკოვის სპარტაკს მომდევნო სეზონში ევროტურნირებში მონაწილეობის მიღება აეკრძალა. გუნდის მენეჯმენტი მუშაობს, რომ ახალი სპონსორი იპოვოს, რომელიც სპარტაკისთვის სათამაშო ფორმებსა და სხვა სახის ეკიპირებას დაამზადებს”. – წერია მოსკოვის სპარტაკის ოფიციალურ ვებგვერდზე.
კომპანია ნაიკი გუნდის ტექნიკური სპონსორი 2005 წლიდან მოყოლებული იყო.
კომენტარები