“ნაძირალათა ტელევიზია იტყუება” – ლაშა ბაქრაძე, “იმედის” ქარდს პასუხობს

დაახლოებით, რომ წარმოვიდგინოთ, ვიღაც „ჭეშმარიტი პატრიოტები“ ფიქრობდნენ, რომ თამარის საქართველო დღესაც არსებობს და საქართველო ზღვიდან ზღვამდეა გადაჭიმული ან საქართველოს საბჭოთა სოციალისტური რესპუბლიკა არ გაუქმებულა და მისი კანონები ძალაშია. სპექტრი ფართოა.

ფედერაციულ რესპუბლიკას არ აღიარებენ, რადგან ის სახელმწიფო არაა, ის ფირმაა. აი ქოცების შათირიშვილი რომ ჰყვება რაღაცას კორპორაციული მმართველობის შესახებ – რაიხსბიურგერების ნააზრევს ძალიან ჰგავს. საერთოდ რაიხსბიურგერები თავიანთი შეთქმულების თეორიებით, ექსტრემიზმით, ისტორიის რევიზიონიზმით, ეზოთერიულობით, მემარჯვენე-ექსტრემისტული რიტორიკით, პლურალისტური საზოგადოების და დემოკრატიის უარყოფით ძალიან ჰგვანან ქოცებს, ოღონდ განსხვავება ისაა, რომ გერმანიაში ეს ერთი მარგინალური, ზოგჯერ ძალიან სასაცილო უპატარავეს ჯგუფებად დაყოფილი მოძრაობაა და აქ, ჩვენთან, ძალა, რომელმაც ძალაუფლება ხელში ჩაიგდო და ქვეყნის მართვაზე პრეტენზიას აცხადებს.