ბათუმში, ბულვარის ტერიტორიაზე 17 წლის ბიჭი დაჭრეს, შემთხვევა ცოტა ხნის წინ მოხდა. დაშავებული კლინიკა “მედცენტრშია” გადაყვანილი.
როგორც კლინიკაში აცხადებენ, მისი მდგომარეობა მძიმეა, დაშავებულს ჭრილობა მუცლის არეში აქვს მიყენებული.
ექიმების ცნობით, ამ დროისათვის მას ოპერაცია ჩაუტარდა და მართვის სუნთქვაზეა, მისი მდგომარეობა მძიმეა.
„ 17 წლის ახალგაზრდა სასწრაფო სამედიცინო დახმარების ბრიგადამ მუცლის წინა კედლის შემავალი ღია ჭრილობით შემოიყვანა. პაციენტის მდგომარეობა მძიმეა.”
რა გახდა ინციდენტის მიზეზი ჯერჯერობით უცნობია.
ბათუმის ძველი ბულვარის ტერიტორიაზე, სადაც ახალგაზრდა მამაკაცი დაჭრეს ამ დრომდე ექსპერტ-კრიმინალისტები მუშაობენ.
მომხდართან დაკავშირებით, ბულვარში მდებარე ერთ-ერთ კაფეში დასაქმებულები აცხადებენ, რომ ახალგაზრდა მამაკაცი შველას ითხოვდა, რის შემდეგაც ტერიტორიაზე მყოფმა მოქალაქეებმა სასწრაფო სამედიცინო ბრიგადა გამოიძახეს.
“ამ ტერიტორიაზე სულ ხმაურია, ახალგაზრდები ხშირად იკრიბებიან, მაგრამ ყურადღება მიიქცია ახალგაზრდამ, ის შველას ითხოვდა. მივედით, მუცელზე ხელი ჰქონდა მიჭერილი, სასწრაფო ჩვენ გამოვიძახეთ. სავარაუდოდ, შემთხვევა სხვაგან მოხდა და ახალგაზრდა აქამდე თავისი ფეხით მოვიდა“
საქართველოს შინაგან საქმეთა სამინისტრომ გამოძიება “სისხლის სამართლის კოდექსის” 117- ე მუხლით დაიწყო, რაც ჯანმრთელობის განზრახ მძიმე დაზიანებას გულისხმობს.
იპნ
კომენტარები