“ტრიბუნას” ლიდერი, დავით ჭიჭინაძე, პრემიერ, ირაკლი ღარიბაშვილს პასუხობს:
“მუცელი ცარიელი, მაცივარი ცარიელი, საფულე ცარიელი… სამაგიეროდ პროპაგანდა აქვთ ისეთ უმაღლეს დონეზე და ისეთ ზღაპარში გვაცხოვრებენ, გაღიმებული უნდა დავდიოდეთ ყველა.
თუმცა, არ იტყუება ღარიბაშვილი 100 ათასი სამუშაო ადგილით რომ გვეტრაბახება. ჩავარდნილი ეკონომიკის, სიდუხჭირის, ცხოვრების დონის კატასტროფული ვარდნის გამო ასიათასობით ადამიანი საკუთარი სიცოცხლის ფასად გარბის ქვეყნიდან და ადგილები გამოთავისუფლდებოდა აბა რა იქნებოდა.
ეს მითიური ორნიშნა ეკონომიკურ ზრდაც, ისევ ხალხის გატყავების ხარჯზეა, განსაკუთრებით ჩვენი ემიგრანტების და მათი გზავნილების. მაგრამ ეკონომიკიკური ზრდა ბუღალტერია არ არის. და თუ მართლა 10%-იანი ზრდა გვაქვს, ამას თითოეული ჩვენგანი საკუთარ თავზე უნდა ვგრძნობდეთ. რაც ნიშნავს იმას, რომ 10 %- თ მეტი ფული უნდა გვრჩებოდეს წინა წლებთან შედარებით, რაც ასევე ზღაპარია. რადგან რეალობა ცარიელი ჯიბე და ცარიელი მაცივარია…
ნუ, რა თქმა უნდა ეს იმ ყველა დროს მორგებულ 1%-ს არ ეხება, ვისაც არასოდეს არაფერი ეხება…
მოკლედ, ის ფინანსური სისტემა, რომელშიც ესენი გვაცხოვრებენ ყველაზე დიდი ბოროტებაა და სანამ ამას არ დავანგრევთ, სანამ ხალხს უკანონო, კაბალური ვალებისგან არ გავათავისუფლებთ არაფერი არ გვეშველება.”
კომენტარები