“მწვანე პასპორტი რამდენი ხნის წინ გადატანილებს უნდა მიანიჭონ? “იმუნიტეტი” რამდენ ხანს გრძელდება?” – დავით მრელაშვილი

აშშ-ში მცხოვრები ქართველი ტელენევროლოგი დავით მრელაშვილი,

“ბევრი დისკუსია მიდის იმაზე, თუ მწვანე პასპორტი რამდენი ხნის წინ გადატანილებს უნდა მიანიჭონ, ან “იმუნიტეტი” რამდენ ხანს გრძელდება.

აქ ნებისმიერი ექსპერტის “კომპეტენტურ” აზრს აღარ აქვს მნიშვნელობა, რადგან გვაქვს ფაქტები, და სტატისტიკა, რაც “მოსაზრებას” არა-რელევანტურს ხდის. ერთადერთი რაზეც უნდა შევთანხმდეთ – რამდენ პროცენტიანი დაცვა (მინიმუმ) ითვლება ქვეყანაში მისაღებად – 80? 90? 95?

მარტივად შეიძლება შედარდეს მაგალითად 2020 წლის მარტიდან ოქტომბრის ჩათვლით ინფიცირებულთა დაცვის მაჩვენებელი რეინფიცირების პროცენტიდან გამომდინარე, და თუ ეს მაჩვენებელი უფრო უკეთესია ვიდრე ქვეყანაში მიღებული დაცვის სტანდარტი ვაქცინით (პირობითად 90% დაცვა ინფიცირებაზე და 95+ % სიკვდილიანობაზე) – იმ დროის განმავლობაში გადატანიდან ლოგიკურია ადამიანი ჩაითვალოს იმუნურად (და მიენიჭოს მწვანე პასპორტი).

ბუნდოვანი რომ არ იყოს – აქვე დავამატებ რომ თუ აცრამდე დაემართა კოვიდი + იმუნიზაცია უკეთ გვიცავს ვიდრე მხოლოდ გადატანა, და მე პირადად ამ მიდგომას ვემხრობი.

ფაქტებზე დაფუძნებულ ოპონენტებს ვუსმენ.”