პოლიტიკოსი, ზურაბ ჯაფარიძე, მედიასთან ამბობს:
“ოპოზიციურ ფლანგზე გვაქვს სურათი, რომ მთელი ოპოზიციური სპექტრი გახდა სისტემის ნაწილი, ჩათვალეს რომ გარედან ბრძოლა უშედეგო იქნება და პარლამენტიდან – უფრო შედეგიანი. საბოლოო ჯამში ამ სისტემის, ამ მატრიცის ნაწილი გახდნენ, ჩამოკიდებულნი გახდნენ ამ სისტემაზე.
თუ გამარჯვებისთის იბრძვი, მიზანი ესა გაქვს და რწმენა გაქვს, გარედანაც შეგიძლია ამის მიღწევა, თუ ამისი არ გჯერა, მაშინაც ვერ იქედან გააკეთებ…
19 აპრილის შეთანხმების შემდეგ, ოპოზიციის პარლამენტში შესვლა ევალებოდა იმ შემთხვევაში, თუ ხელისუფლება შეასრულებდა ჩამოთვლილ პუნქტებს და ამ შეთანხმების უკან იდგა ამერიკა და ევროკავშირი, მე ამიტომ მოვაწერე ხელი… მერე ეს დოკუმენტი თავზე გადაგვახიეს ჩვენც და იმათაც და შენ რაღატო ასრულებ იმ პირობას, რაღატო შედიხარ?
პრობლემას იმაში ვხედავ, რომ მათ არა აქვთ რწმენა, რომ ისინი შეძლებენ ამ სისტემის დამარცხებას – ეს მგონია პრობლემა.
არავის კრიტიკა არ მინდა, თუ შეძლებს ვინმე რამის გაკეთება – მივესალმები.
მე მგონია, რომ ბევრი სამუშაოა, ბევრი სალაპარაკოა ადამიანებთან, მასშტაბია გასაზრდელი. მაგალითად, ნარკოპილიტიკა – ასახსნელია ხალხისთვის, რომ, ნარკოპოლიტიკა ამათ ხელში, არის ჩვეულებრივი ინსტრუმენტი. არჩევნების დღეს რომ დარბიან ვიღაცეები ქუჩაში, ისინი დაჭერილი ჰყავთ, დაჭერილი ჰყავთ ნარკოპოლიტიკის გამო…
ოპოზიციაზე ბევრი რამის თქმა შეგვიძლია, მაგრამ რა ქვეყანაც არის, ის პოლიტიკური სპექტრია. რაცა ვართ, ეგა ვართ. რა დონეც არის ყველა სხვა მიმართულებით, იგივე დონეა ქართულ პოლიტიკაშიც. რითიც არის დაკავებული პოლიტიკური სპექტრი, მედია – აცდენილია, ჩემი აზრით. მოქალაქეებს ვეუბნებით, რომ პროდუქტების ფასები ძვირდება, მაგრამ მათ უნდა გავაგებინოთ, რომ ძვირდება იმიტომ, რომ ეროვნული ბანკი გვაქვს, რომელიც გასაუქმებელია.”
კომენტარები