საქართველოს მთავრობა სხვა ქვეყნიდან ჩამოსული ტურისტებისთვის “უსაფრთხო სასტუმროსა” და “უსაფრთხო რესტორნის” სერვისების შეთავაზებას აპირებს. ამ მიზნით ქვეყანაში ფართოვდება ვაქცინაციის ჯგუფები და ტურიზმისა და მასპინძლობის სექტორში დასაქმებულ პირებს შეეძლებათ ჯანდაცვის სამინისტროსთან შეთანხმებით ერთიანი ჯგუფის რეგისტრაცია და აცრა.
ინფორმაცია, ნათია თურნავამ საკოორდინაციო საბჭოს სხდომის დასრულების შემდეგ გაავრცელა.
“ტურისტული ინდუსტრია იქნება პრიორიტეტული ჯგუფი ვაქცინაციის პროცესში, რადგან ჩვენთვის მნიშვნელოვანია, რაც შეიძლება სწრაფად, აღვადგინოთ ტურისტული ინდუსტრია – სრულიად მსოფლიომ რომ შეიტყოს, ჩვენი ტურისტული ინდუსტრია არის კოვიდუსაფრთხო. ეს შესაძლებელია სწრაფი ვაქცინაციით… შედეგად, ის ორგანიზაციები, სადაც დასაქმებული პერსონალის უმრავლესობა, წესების დაცვით, იქნება ვაქცინირებული, ჩაითვლება კოვიდუსაფრთხო სასტუმროებად, კოვიდუსაფრთხო რესტორნებად – ჩვენ ყველა საერთაშორისო პლატფორმაზე, ჩვენს ხელთ არსებული მარკეტინგული შესაძლებლობებით გავუწევთ მათ პრომოუშენს – მთელი მსოფლიო გაიგებს”
კომენტარები