“მთავარი საპროტესტო ცენტრი იქნება თბილისი! ჩვენ ვწყვეტთ საპარლამენტო მუშაობას” – ამის შესახებ პარტიის ახლადარჩეულმა თავმჯდომარემ ლევან ხაბეიშვილმა საგანგებო ბრიფინგზე ისაუბრა.
„ბიძინა ივანიშვილმა გადაწყვიტა, შეასრულოს პუტინის დავალება და გამოუტანა სასიკვდილო განაჩენი მიხეილ სააკაშვილს, შესაბამისად, „ნაციონალურ მოძრაობას“ აქვს კონკრეტული გადაწყვეტილება მიღებული: ამ წუთიდან „ქართული ოცნების“ მაღალი თანამდებობის პირებს არ ექნებათ არანაირი მოსვენება.
ხვალიდან „ნაციონალური მოძრაობა“ გადადის საგანგებო რეჟიმზე. ხვალ ყველას ველოდებით დედაქალაქში და მთავარი საპროტესტო ცენტრი იქნება დედაქალაქი. „ნაციონალური მოძრაობა“ აღარ აპირებს საპარლამენტო ცხოვრებაში მონაწილეობის მიღებას. ასევე დღეს, როცა მოვრჩებით ბრიფინგს გვექნება კონკრეტული აქტივობები და ასეთი აქტივობები გვექნება ყოველდღიურად.
დამთავრდა თქვენი მშვიდობიანი ცხოვრება, აღარ ვაპირებთ არანაირი განხილვებში მონაწილეობის მიღებას და თამაშებში „ქართულ ოცნებას“ არ შევყვებით. იძულებულები ვართ ასე მოვიქცეთ, რადგან პრეზიდენტ სააკაშვილის მდგომარეობა არის რისკის ქვეშ. ყოველდღიური პროტესტი და სახალხო მღელვარება იქნება პასუხი „ქართულ ოცნებასა“ და ბიძინა ივანიშვილზე“
მისივე თქმით, დღეს პირველი აქტივობა პრემიერ ღარიბაშვილის სახლთან აქციით მისვლა იქნება.
კომენტარები