კორონავირუსი დიდი პრობლემაა, თუმცა მსოფლიოში კორონავირუსზე დიდი პრობლემებიც არის, – განაცხადა ირანის უზენაესმა ლიდერმა, აიათოლა ალი ხამენეიმ.
„კორონავირუსი დიდი პრობლემაა კაცობრიობისთვის, თუმცა უამრავ სხვა პრობლემასთან შედარებით, ეს მცირე პრობლემაა. მსოფლიოს მასშტაბით და ჩვენს ქვეყანაშიც კორონავირუსზე უფრო დიდი პრობლემები არსებობს. ამბობენ, მსოფლიოს მასშტაბით ერთი მილიონი ადამიანი დაიღუპა კორონავირუსისგანო. ზუსტად არ მახსოვს, მაგრამ მსოფლიო ორი ომის შედეგად 10 მილიონზე მეტი ადამიანი დაიღუპა“, – განაცხადა მან.
აღსანიშნავია, რომ ბოლო მონაცემებით, მსოფლიოს მასშტაბით კორონავირუსს 87 760 ადამიანი ემსხვერპლა, ხოლო მეოცე საუკუნეში ომების შედეგად სულ მცირე 108 მილიონი ადამიანი დაიღუპა.
კომენტარები