“კომუნისტური ჩინეთი ისეთივე ბოროტებაა, როგორც წითელი, თეთრი ან მწვანე რუსეთი” – თავდგირიძე

საზოგადოებრივი მოძრაობა „ფარის“ თანადამფუძნებელი, პოლკოვნიკი გიორგი თავდგირიძე:

ირანში, რეჟიმის დამხობის ოპერაცია ჯერ კიდე მომზადების ეტაპზეა, დააგვიანებს, მაგრამ მოულოდნელობას ექნება თავისი ეფექტი.
ძალაუფლების გადაცემის და ლეგიტიმაციის ორი ვარიანტი შეიძლება იყოს და ორივე ჯარზე გადის. ამიტომ დარტყმის ქვეშ სამხედრო ობიექტები არ მოყვებიან.
ერთი – დარტყმები – ჯარის მიერ ძალაუფლების ხელში აღება და არჩევნების მომზადება-არჩევნები და შემდეგ როგორ გაუმართლებს ირანელებს არჩევანი. მეორე, დარტყმა – მონარქიის აღდგენა ჯარზე დაყრდნობით- ახალი კონსტიტუციის მომზადება-კონსტიტუციური მონარქია და არჩევნები – შემდეგ არჩევანის მიხედვით.
პირველი დარტყმა უნდა იყოს რევოლუციის გუშაგთა კორპუსის მართვის პუნქტები და არსენალი და ერთ ერთი შემდეგი სამ ობიექტიდან: ბენდერ-აბასის პორტი ( იმპორტის 50 %-ი და საკონტეინერო გადაზიდვების 70-80 % ), ან კუნძულ ხარგის ნავთობტერმინალი ( ნავთობის ექსპორტის 90 %-ი ), ან სამხრეთ ფარსის საბადოს კანგანის გაზის გადამუშავების კომპლექსი ( გაზის წარმოების 70 %). ამ სამი ობიექტიდან ერთ ერთის განადგურებაც კი რეჟიმს რესურსების გარეშე ტოვებს. თუმცა ნავთობტერმინალზე იერიში უფრო მისაღები და ჰუმანური იქნება, რაკი გაზის ან სურსათის გარეშე დარჩენა დიდ განსაცდელში ჩააგდებს უბრალო მოსახლეობასაც.
რუსეთ-ირანიის საჰაერო დაცვა რომ არაფერს წარმოადგენს ეს შარშან ვნახეთ, ამიტომ ამ ტიპის იერიშის ეფექტურობა 100 %-ს მიუახლოვდება, თანაც დანაკარგების გარეშე.
დაახლოებით ასეთ სცენარს ველოდები, რამდენიმე ათეული რევოლუციის გუშაგთა კორპუსის გენერლის მოკვლა, საავიაციო იერიში მართვის პუნქტებზე, გამაფრთხილებელი დარტყმა ნავთობ ტერმინალზე და 24 საათიანი ულტიმატუმი იარაღის დაყრასთან დაკავშირებით, შახის მიმართვა სამხედროებზე და კორიდორის მოთხოვნა ირანში ჩასასვლელად და ერთგულების ფიცის მისაღებად. შემდეგ ყველაფერი დამოკიდებულია გონიერი და გაბედული ადამიანების სიმრავლეზე.
შარშან ისრაელისა და აშშ-ის მიზანი არ იყო რეჟიმის ჩამოშლა და მათ სხვა ამოცანები ამოწურეს ბოლომდე. წელს, თუ ირანელი ხალხის დახმარება და ბოროტების ღერძისთვის ირანის წართმევა იქნება მიზანი, ეს მიზანი მიღწევადია და თანაც გარდამტეხი იქნება ბოროტებასთან ბრძოლაში. აქვე დავამატებ, კომუნისტური ჩინეთი ისეთივე ბოროტებაა, როგორც წითელი, თეთრი ან მწვანე რუსეთი.