მიშა მშვილდაძე სოციალურ ქსელში წერს:
„ხელისუფლებამ ვერ და არ უზრუნველყო ნამოხვანჰესის მშენებლობისთვის საჭირო სანდო და კომპეტენტური კვლევებისა და შესაბამისი გეოლოგიური დასკვნების მომზადება, ვერ და არ შეძლო მოსახლეობის ინფორმირება და მითების გაფანტვა – პროტესტს დაუპირისპირდა სუსით, ტროლებით, ბოტებით და პოლიციის სპეცრაზმის ძალადობით – უპრინციპოდ პრინციპული იყო ძალადობაში და პრინციპულად უპრინციპო პრობელემების რეალურ მოგვარებაში.
ახლა ამ ჩაშლილ ხელშეკრულებაზეც შეეცდებიან მთელი პასუხისმგებლობა ვარლამ გოლეთიანს ან მის ძაღლს დააკისრონ – ამ პატარა ბნელ ჰომოფობ მოძალადეების გამპრავებელს თავისი პატარა ცოდვებიც ეყოფა მთელი ცხოვრება სინდისის საქენჯნად, თუ ასეთი აქვს ან შემორჩა – მაგრამ ეს ამბავი მთლიანად ხელისუფლების პასუხისმგებლობაა.
რატომ გაზარდეს იუტიციის სამინისტროს ბიუჯეტის საერთაშორისო საარბიტრაჟო დავების კომპონენტი იუსტიციის 40 დან 80 მილიონამდე წელს, აგერ გაეცა პასუხი.
ლარის კურსის ჯანსაღი რეაქციაც მოყვება ამას, არბიტრაჟის ჯარიმაც, რომელიც ჩვენი გადასახდელი იქნება ყველასი ერთად, ენერგეტიკის პრობლემებიც და ათასი სხვა უბედურებაც – ზოგი არჩევნებამდე და ზოგი არჩევნების შემდეგ – რომელთა შორისაც ისიც შედის, რომ ერთი პრეცედენტიც ვერ შევქმენით ქვეყანამ მნიშვნელოვანი ინფრასტრუქტურული პროექტის კულტურულად და გამჭვირვალედ და სამართლიანად აშენებისა.“
კომენტარები