“მქონდა არჩევნებში მონაწილეობის შემოთავაზება! – ჩემი მოწინააღმდეგე უნდა ყოფილიყო თინა ხიდაშელი” – აჩი არველაძე

ვეტერანი ფეხბურთელი, აჩი არველაძე ამბობს, რომ მას რამდენიმე წლის წინ არჩევნებში მონაწილეობის შეთავაზებ ჰქონდა, თუმცა შეთავაზებაზე უარი განაცხადა. 

როგორც მან გადაცემა “გორგილაძის აუტანელ სიმსუბუქეში” საუბრისას გაიხსენა, მისი კონკურენტი თავდაცვის ყოფილი მინისტრი თინა ხიდაშელი იქნებოდა.

“ღმერთმა ნუ დამაჭირვოს პოლიტიკაში წასვლა. როგორც კი პოლიტიკურ მოედანზე შევალ, პირდაპირი მნიშვნელობით ვხდები იმ ადამიანების მოწინააღმდეგე, რომელთაც ჩემი პოლიტიკური ხედვები არ მოსწონთ. მე ვერ გავცვლი ხალხის სიყვარულს პოლიტიკაში. 

მქონია შემოთავაზება, რომ ვყოფილიყავი მაჟორიტარი დეპუტატი. ჩემი მოწინააღმდეგე უნდა ყოფილიყო თინა ხიდაშელი. ისეთი პარტიიდან იყო ეს შემოთავაზება, რომ დარწმუნებული ვარ უპრობლემოდ მოვუგებდი, შემფუთავდნენ, დამსვამდენენ ვიტრინაში და გავიმარჯვებდი, მაგრამ მე ხომ ვიცოდი, რომ თინას არ უნდა მოვუგო, იმიტომ რომ თინა ჩემე ათასჯერ მაგარია.

ხომ ვიცი, რომ თინა მჯობდა. ამიტომ არ წავედი პოლიტიკაში. ასეთი დამოკიდებულება მაქვს ნებისმიერ სფეროსთან. როცა ჩემ ადგილზე მოდიან, მე ვეუბნები – რა გინდათ აქ, მე ხომ არ მოვდივარ მანდ?” – განაცხადა აჩი არველაძემ.