„მოზარდების აცრა მაქსიმალურად სწრაფად უნდა მოხდეს“ – ბიძინა კულუმბეგოვი

„მოზარდების აცრა მაქსიმალურად სწრაფად უნდა მოხდეს“, – ამის შესახებ ალერგოლოგ-იმუნოლოგმა ბიძინა კულუმბეგოვმა „იმედის ეთერში“ განაცხადა.

მისი თქმით, იმუნიზაციის საბჭომ სწორი გადაწყვეტილება მიიღო. 

„იმუნიზაციის საბჭომ მიიღო  გადაწყვეტილება, საქართველოში ყველა ადამიანს შეეძლება გაიკეთოს 18 წლის ასაკის ზემოთ მეორე დოზის გასვლიდან 6 თვის შემდგომ ბუსტერი. ერთადერთი გამონაკლისი გახლავთ ადამიანები, 60 წლის ზემოთ, ვინც „სინოფარმი“ და „სინოვაკი“  გაიკეთა.

მათ შეეძლებათ 3 თვის შემდგომ ბუსტერ დოზა დაიმატონ. მოზარდების აცრა მაქსიმალურად სწრაფად უნდა მოხდეს, რომ სასწავლო წელი არ ჩაიშალოს და შემდეგი წელიც არ იყოს ონლაინ“, – განაცხადა ბიძინა კულუმბეგოვმა.