“მოვუწოდე ციხის ექიმებს, არ აეღოთ თავის თავზე ეს ცოდვა, ხელისუფლება შეგახოცავთ ხელს…” – ექიმი ლევან ფერაძე

ექიმი, ლევან ფერაძე, მთავარ არხთან ამბობს:

“მე არ ვიცი, როგორია სააკაშვილის მდგომარეობა, თუ მისი მდგომარეობა მძიმეა, დღეს გამოვიდა ინფორმაცია პოლიორგანული საფრთხეც არისო, ცალსახად გეუბნებით, იმ საავადმყოფოში ვერაფრით დაეხმარებიან, მოვუწოდე ციხის ექიმებს, არ აეღოთ თავის თავზე ეს ცოდვა, განა იმიტომ რომ ისინი ცუდი ექიმები არიან, საავადმყოფო არ არის უცბად შეყრილი აპარატურა, საავადმყოფო არის აწყობილი სტრუქტურა, რომლის დალაგებასაც წლები სჭირდება. ამ საავადმყოფომ 23 ოქტომბერს მიიღო მკურნალობის უფლება, არ ჰქონდა მანამდე. ეს რამდენჯერმე განვაცხადე.

ეს არის პატარა სულის ადამიანების ბინძური, პოლიტიკური შურისძიება. მეტი დასკვნა არ არსებობს. მე სწორედ ამიტომ მივმართე ციხის ექიმებს, ვერ შეძლებთ არსებეულ სიტუაციაში და ხელისუფლება შეგახოცავთ ხელს, იტყვის, რა ვქნა, მე საავადმყოფოში გადავიყვანე და რა ვქნაო… ეს არის წინასწარ გაფიქრებული შურისძიება, დიდი ალბათობით, რუსეთიდან ნაკარნახევი პუტინის მიერ. ქართული ოცნების მიზანია, სააკაშვილის მისიკვდილება.”