მოვა დრო, როდესაც ქრისტიანული ეკლესია საყოველთაოდ ბოდიშს მოიხდის იმის გამო, რასაც ჩვენ ვაკეთებთ ლგბტ თემის წარმომადგენლების წინააღმდეგ, – ამის შესახებ ევანგელისტურ-ბაპტისტური ეკლესიის წინამძღვარმა, მალხაზ სონღულაშვილმა განაცხადა.
მისივე თქმით, თუ ეს ასე არ მოხდა მაშინ, ამ ცივილიზაციას მომავალი არ აქვს.
„ღმერთმა ეს სამყარო მრავალფეროვანი შექმნა. თეოლოგიაში იმაზეც მსჯელობენ, რომ პირველი ადამიანი უსქესოა. მრავალფეროვნება საფუძველში დევს. იყო დრო, როდესაც ჩვენ შავკანიანი ადამიანების გვეშინოდა. იგივე იყო ქალებთან დაკავშირებით. დიდი ხნის განმავლობაში ქრისტიანობა თვლიდა, რომ ქალები არ იყვნენ სრულფასოვნები კაცებთან შედარებით. მაგრამ მერე მივხვდი, რომ ეს სიბრიყვეა და შეუძლებელია ქალი ქრისტიანობის სახელით დამცირებული იყოს. მოვა დროს, როდესაც ქრისტიანული ეკლესია საყოველთაოდ ბოდიშს მოიხდის იმის გამო, რასაც ჩვენ ვაკეთებთ ლგბტ თემის წარმომადგენლების წინააღმდეგ. ეს უნდა მოხდეს. ეს თუ არ მოხდა, არც ქრისტიანობას და არც ამ ცივილიზაციას მომავალი არ აქვს,“- ამბობს ევანგელისტურ-ბაპტისტური ეკლესიის წინამძღვარი, მალხაზ სონღულაშვილი.
კომენტარები