“მოწყალება სახელმწიფოს უნდა ახასიათებდეს, მაგრამ…” – ვოლსკი

ქართული ოცნების ერთ-ერთი ლიდერი, გიორგი ვოლსკი, პატიმრების შეწყალებაზე საუბრისას, ამბობს:

თუკი ვიმსჯელებთ  გარკვეული თემებით, ემოციებით, სწავლებებით, რასაკვირველია, მოწყალება არის ის, რაც სახელმწიფოს უნდა ახასიათებდეს, მაგრამ შესაწყალებელსაც გააჩნია. ადამიანი, რომელიც გეუბნება, რომ უნდა დაინგრეს და ცეცხლში გაეხვეს საქართველო და ამას არ უარყოფს და არანაირ წუხილს ამასთან დაკავშირებით არ განიცდის, რასაკვირველია, ამ შემთხვევაში, ძალიან ძნელია შეწყალებაზე ლაპარაკი. რასაკვირველია, ყაველაშვილი იღებს საბოლოო გადაწყვეტილებას, საკმაოდ პრინიპული ადამიანია, მაგრამ კონსულტაციები ექნება ყველა მიმართულებით. ასე მგონია, რომ ამ კონსულტაციების გარეშე არ უნდა იქნას გადაწყვეტილება მიღებული.

მედიაში ვრცელდება ინფორმაცია  რომ , “ქართული ოცნების” შიგნით მიმდინარეობდა მსჯელობა სინდისის პატიმრების ერთი ნაწილის შეწყალებაზე, თუმცა, ჯერჯერობით უცნობია, რამდენად რეალურია.