სამხედრო ექსპერტი, გიორგი თავდგირიძე:
რაკი ოცნების მეცადინეობით, საქართველო კვლავ რუსეთის ორბიტასთან ტრიალებს და ერთი ნაბიჯიღა დარჩა ამ ორბიტამდე, საინტერესოა კრემლში მიმდინარე პროცესები, თანაც ტელეგრამ არხმა Генерал СВР-მა გამოაქვეყნა ინფორმაცია, რომ გუშინ მოსკოვის დროით 20.42 -ზე გარდაიცვალა პუტინი. ინფორმაცია სწრაფად გახდა პოპულარული. ტელეგრამ არხი 2020 წლიდან მოქმედებს საგარეო დაზვერვის ყოფილი გენერლის სახელით, ინარჩუნებს შემქმნელის ანონიმურობას და პოზიციონირებს როგორც კრემლის და პუტინის შესახებ ინსაიდერული ინფორმაციის მფლობელი.რა დასკვნა შეგვიძლია გავაკეთოთ:1. ინფორმაციის სიზუსტე უახლოეს დღეებში გახდება ცნობილი, რაკი გარდაცვალების შემთხვევაში პუტინის ორეულით ჩანაცვლება შეუძლებელია. ამ შემთხვევაში სახელმწიფო გადატრიალებასთან გვექნებოდა საქმე და როგორც წესი მას მომხრეების გარდა ასევე ძლიერი მოწინააღმდეგე ჯგუფები გამოუჩნდება.2. თუ ინფორმაცია სიმართლეს არ შეესაბამება, საქმე გვაქვს პუტინის მართვის სისტემაზე ძლიერ საინფორმაციო შტურმთან, რაკი პუტინის მიერ ორეულის გამოყენება დადასტურებული ფაქტია და თვითონ იშვიათად მართავს შეხვედრებს, ჩნდება ძლიერი ეჭვი, ვინ არის სახელმწიფოს სათავეში პუტინი თუ თვითმარქვია? ყველა შემთხვევაში, ვირუსივით გავრცელებული ინფორმაცია მნიშვნელოვნად შეარყევს პუტინის მმართველობის იმიჯს და დაასუსტებს ქვეყნის ორეულებით მმართვის ეფექტიანობას. არსებულ კრიტიკულ პერიოდში კი რუსეთისთვის ეს მნიშვნელოვანი პრობლემა იქნება.ობიექტურად, პუტინის გარდაცვალების ალბათობა არც ისე დაბალია, მაგრამ ეს ტელეგრამ არხი რამდენად ზუსტ ინფორმაციას ავრცელებს ჯერ რთული სათქმელია, დიდი ალბათობით უზუსტოა. არც ერთ უცხოურ სადაზვერვო სამსახურს მსგავსი ინფორმაცია არ გაუვრცელებია.
კომენტარები