ეროვნულ-დემოკრატიული ინსტიტუტის მიერ დღეს გამოქვეყნებული კვლევის თანახმად, საქართველოს მოსახელობის უმრავლესობა 62% საქართველოს დემოკრატიულ ქვეყნად არ მიიჩნევს.
გამოკითხულთა მხოლოდ 30% ფიქრობს რომ საქართველო დემოკრატიულია.
რაც შეეხება კითხვის, რას ნიშნავს მოსახლეობისთვის დემოკრატია, მათი უმრავლესობა თვლის, რომ დემოკრატია კანონის წინაშე თანასწორობასა და სიტყვის თავისუფლებას ნიშნავს.
მოსახლეობის 92 პროცენტი მიიჩნევს, რომ დემოკრატიულ ქვეყანაში ცხოვრება მნიშვნელოვანია.
კვლევა ჩატარებულია NDI-ის დაკვეთით CRRC საქართველოს მიერ. საველე სამუშაოები 2022 წლის 12 ივლისიდან 15 აგვისტოს პერიოდში ჩატარდა. სატელეფონო ინტერვიუს მეთოდით ჩატარდა 2 104 დასრულებული ინტერვიუ. საშუალო ცდომილების ზღვარი არის +/- 2%.
კომენტარები