ქართული ოცნების დეპუტატის, გია ვოლსკის განცხადებას იმასთან დაკავშირებით, რომ რობერტ სტურუამ 1500 კვ. მეტრი მიწის ნაკვეთი დამსახურებულად მიიღოს, სოციალურ ქსელში ეხმაურება „ნაციონალური მოძრაობის“ წევრი ნუგზარ წიკლაური.
„მხოლოდ შთამომავლობით ჩეკისტ სტურუას ეკუთვნის 700 000 ლარის ქონება ერთ ლარად?
სხვას არაფერი არ ეკუთვნის? სხვებისთვის არ არის ეს ქვეყანა? სხვებმა სიღარიბესა და უიმედობაში უნდა დალიონ სული?“ – წერს ნუგზარ წიკლაური.
ცნობისათვის, ქართული ოცნების დეპუტატის გია ვოლსკის განცხადებით, რობერტ სტურუას ქვეყნის წინაშე დიდი დამსახურება აქვს და მიწის ნაკვეთის გადაცემისას პოლიტიკური გადაწყვეტილება არ ყოფილა მიღებული.
„აქ პოლიტიკური გადაწყვეტილება არ არის მიღებული. რასაკვირველია, რობერტ სტურუა არის მსოფლიო დონის თეატრალი და შეიძლება, სახელმწიფომ მას, მთელი თავისი ცხოვრების განმავლობაში საქართველოსთვის გაწეული სამსახურისთვის 1 500 კვ.მეტრი გადასცეს შემდგომი განკარგვისათვის,” – განაცხადა ვოლსკიმ.
კომენტარები