“მხდალი ადამიანი რომ ჯოხს დაიჭერს და მოუქნელად იქნევს – მოგერევითო, ეგაა ზუსტად”, – ასე აფასებს პარტია “დროას” ლიდერი ელენე ხოშტარია პრემიერ-მინისტრის ღია წერილს, რომლითაც ირაკლი ღარიბაშვილი მიხეილ სააკაშვილის საქართველოში ჩამოსვლას ეხმიანება.
ხოშტარია სოციალურ ქსელში წერს, რომ ის საწამლავი, რასაც პრემიერი სააკაშვილზე წერს, თავისი ფორმითა და შინაარსით ბაღიდან უნდა ისწავლებოდეს, რომ არის ფსკერი:
“ის საწამლავი, რასაც ღარიბაშვილი სააკაშვილზე წერს, თავის ფორმით, ტონით, შინაარსით ბაღიდან უნდა ისწავლებოდეს, რომ არის ფსკერი.
სიძულვილი, დამცირება (სინამდვილეში თავს იმცირებს), ტყუილი, ვითომ ძალის დემონსტრირება. სიტუაცია იცვლება ხოლმე, მსგავსი სიტყვები არასდროს არ ქრება.
მხდალი ადამიანი რომ ჯოხს დაიჭერს და მოუქნელად იქნევს მოგერევითო, ეგაა ზუსტად.” – წერს ხოშტარია “ფეისბუქში”.
შეგახსენებთ, პრემიერ-მინისტრმა ყოფილი პრეზიდენტის, მიხეილ სააკაშვილის შესახებ ღია წერილი სოციალურ ქსელში გაავრცელა.
კომენტარები