“მხარს ვუჭერ სპეციალურ ტრიბუნალს, რომელიც რუსეთის ლიდერებს გაასამართლებს” – ბრიტანეთის საგარეო საქმეთა მინისტრი

დიდი ბრიტანეთის მთავრობის ინფორმაციით, ქვეყნის საგარეო საქმეთა მინისტრი, დეივიდ ლემი უკრაინის ქალაქ ლვოვში, თავის უკრაინელ კოლეგას და კიდევ 17 საგარეო საქმეთა მინისტრს შეხვდება.

“საგარეო საქმეთა მინისტრი შეუერთდება 17 სხვა საგარეო საქმეთა მინისტრს და უკრაინის საგარეო საქმეთა მინისტრს ანდრეი სიბიგას, რათა განიხილონ ევროპაში მდგრადი მშვიდობის დამყარების შემდეგი ნაბიჯები. ევროპელი მინისტრები ნათლად გამოხატავენ, რომ ისინი გაერთიანებული არიან უკრაინისა და მისი მშვიდობისადმი მკაფიო ერთგულების მხარდაჭერაში და გმობენ პუტინის მიერ უკრაინელი მშვიდობიანი მოსახლეობის შეფერხებას, უკან დახევას და მიმდინარე დაბომბვას,” – წერია განცხადებაში. 

დიდი ბრიტანეთის საგარეო საქმეთა მინისტრის განცხადებით, ის მხარს უჭერს სპეციალური ტრიბუნალის შექმნას, რომელიც რუსეთის ლიდერებს აგრესიული ომისთვის გაასამართლებს.

“დღეს – და ყოველდღე – ჩვენ უკრაინის გვერდით ვდგავართ. ჩვენ მხარს ვუჭერთ სამართლიან და მდგრად მშვიდობას, უსაფრთხო ევროპის, ანგარიშვალდებულებისა და სამართლიანობის მომხრეებს. მე მხარს ვუჭერ სპეციალური ტრიბუნალის შექმნას, რომელიც რუსეთის ლიდერებს აგრესიული ომისთვის გაასამართლებს, 2022 წლის მარტიდან, პუტინის სრულმასშტაბიანი შეჭრიდან სულ რაღაც რამდენიმე კვირის შემდეგ. ეს იყო მთავარი მანიფესტური ვალდებულება და როგორც კი ჩვენ მთავრობაში მოვედით, ეს ჩვენთვის მთავარ პრიორიტეტად ვაქციეთ,” – განაცხადა დეივიდ ლემმა.