“ნაციონალური მოძრაობის” თავმჯდომარე, ნიკა მელია, გადაცემა რეაქციაში, ჟურნალისტ ინგა გრიგოლიას კითხვებს პასუხობს.
ინგა გრიგოლია:
–არ მაქვს ასეთი განცდა, როცა ვუსმენ ხელისუფლების წარმომადგენლებს, რომ სააკაშვილს ვინმე გაუშვებს, იმის მიუხედავად რაც არ უნდა ჩაიწეროს რეზოლუციაში, არ აპირებს არავინ გადაყვანას და თქვა პირდაპირ ირაკლი კობახიძემ, რომ მათ ინტერესში ეს არ შედის.
ნიკა მელია:
–რთულია გქონდეს სრული მოლოდინი ხელისუფლებისგან, რომელსაც აქვს კონტროლის ქვეშ ყველა ბერკეტი, ყველა სახელისუფლებო შტო, მიხეილ სააკაშვილის მიმართ სწორი გადაწყვეტილება იქნება გამოტანილი. თუმცა, ივანიშვილი ჩიხშია უკვე შესული…
ინგა გრიგოლია:
–რითია ჩიხში შესული?
ნიკა მელია:
–დღეს მას პოლიტიკური ბრძოლა უწევს არა პოლიტიკოს მიხეილ სააკაშვილთან, არამედ ადამიან მიხეილ სააკაშვილთან, რომელიც არის ძალიან მძიმე დაავადებებით და ეს დაავადებები არაადამიანური მოპყრობის შედეგად გაჩნდა, დროთა განმავლობაში. თუ ეს ხელისუფლება სასიკვდილო სასჯელს გამოუტანს და იტყვის, არა, ჯანმრთელია ჩემთვის და ამ ადამიანმა უნდა დაასრულოს სიცოცხლე ვივამედის კლინიკაში, ან ციხეში – ვერაფერი ძველებურად ვეღარ გაგრძელდება. მნიშვნელოვანია, რომ მივცეთ ბოლო შანსი, შეიძლება გამაკრიტიკონ…
ინგა გრიგოლია:
–მივცეთ ბოლო შანსი, ამბობთ და ვის მივცეთ? ხელისუფლებას? და როდემდე?
ნიკა მელია:
–კონრეტული დღე, როდესაც მიიღებს გადაწყვეტილებას სასამართლო.
ინგა გრიგოლია:
–თქვენ ხომ იცით, რომ სასამართლო იმას გადაწყვეტს რასაც ეტყვის ბიძინა ივანიშვილი? სააკაშვილის თემას წყვეტს ბიძინა ივანიშვილი და კიდევ გაქვთ იმედი?
ნიკა მელია:
–მე მაქვს იმედი, რომ ჩიხში მყოფი ხელისუფლება, ჩიხიდან გამოსვლას ეცდება, თუკი განაჩენს მიაღებინებს მოსამართლეს და ათქმევინებს, რომ გამოტანილია სასიკვდილო განაჩენი სააკაშვილის წინააღმდეგ და ეს გადაწყვეტილება ამის ტოლფასი იქნება… სარეზოლუციო ნაწილში რა ეწერება, მნიშვნელობა აღარ ექნება. ან გადაჰყავთ სააკაშვილი საზღვარგარეთ, ვისკენაც მოუწოდებს მთელი საერთაშორისო საზოგადოება, ან საჯაროდ აცხადებენ – ვკლავთ.
კომენტარები