ჟურნალისტი, ირაკლი ტაბლიაშვილი:
“სიტყვებს არ ვანიავებ მე!
ეს, იმედია, ბევრმა იცის და, შესაძლოა, ცოტამ არც იცის! მოკლედ, მე სიტყვებს არ ვანიავებ! 50 წლისა შევიქნები ერთ თვეში და, ჩემგან წაცდენილი სიტყვა განა არ ყოფილა, მაგრამ, ძალზედ იშვიათად და, მერე ძალიან მალე გამომისწორებია!
მოკლედ, ჯერ ასე დავწერ და შემდეგ, თუ საჭირო გახდა, ვრცლად!
ყველაფერს აქვს თავისი ფორმა და კონტექსტი! ვიმეორებ –
ყ ვ ე ლ ა ფ ე რ ს
აქვს თავისი ფორმა
და
კ ო ნ ტ ე ქ ს ტ ი!
ის, რაც “ფორმულას” თავს ხდება, კი არ ჰგავს, არამედ, არის… დიახ, გადაწყვეტილად და მკვეთრად ვამბობ – არის! ორკესტრირებულს რომ ვუწოდებთ, ისეთი შეტევა კონკრეტულად “ფორმულაზე” და ზოგადად მედიაზე!
არა იმიტომ, რომ ვინმეს არ აქვს ხელფასის მატების მოთხოვნის უფლება! აქვს! ჰქონდა და ექნება!..
არც იმიტომ, რომ ყველაფერი იდეალურადაა “ფორმულაში” – არაა და არც შეიძლება იყოს – ზოგადად მედია და კონკრეტულად “ფორმულა” ღია ომშია რუსეთის ინტერესების გამტარ ხელისუფლებასთან… მარცხდება და იმარჯვებს! უტევს და უტევენ! პროცესია!!!
არც იმიტომ, რომ ამ გარჩევა-გარჩევებში ვინმემ აუცილებლად სწორად ჩაისუნთქა და ვინმემ სწორად ამოისუნთქა! ემოციების გაცვლისას ყველაფერი ხდება! თუმცა, რაც მოვისმინე, არაფერი განსაკუთრებული.
ამიტომ, დაივიწყეთ ეს არგუმენტებიც! არარელევანტურია!
რეალურად, “ფორმულას” აქვს უწყვეტი!!! ვიმეორებ – უწყვეტი მაუწყებლობის ვალდებულება!.. ამ საბოტაჟისა და ამგვარი პროცესების გამო არის მცირე ალბათობა, რომ ვეღარ შევძლოთ! თუ ვერ შევძელით – მიგვხურავენ! ხელი არ აუკანკალდებათ!
რეალურად “ფორმულას” აქვს სასამართლო პროცესი! უფრო ზუსტად, მის დამფუძნებელს! გაფიცვადწოდებული საბოტაჟი ამ დროს, ცხადია, აწყობს მეორე მხარეს!.. ოპერატორებს სამი თვის წინ კი არ დაუწყიათ პროტესტი, არამედ ახლა – ამ დროს და ამ კონტექსტში.
არადა! გარდა ყველაფრისა! თქვენ რეალურად! სწორედ “ფორმულადან” ისმენთ განსხვავებულ აზრს! მსჯელობას! კამათს! ანალიზს!.. თქვენ იცით ჩვენი შეურიგებლობის და პრინციპების თაობაზედ! თუ გნებავთ, ჩამოვასახელებ ყველა გადაცემას, რომლებიც თემებს აშუქებენ!
რეალურად, ეს, გაფიცვადწოდებული საბოტაჟი აწყობს ხელისუფლებას! თუ გაფიცულები სხვა სამსახურებსაც აიყოლიებდნენ, ტელევიზია ჯერ უფრო დასუსტდებოდა, მერე გაჩერდებოდა! და ოპა!..
ჰოდა, მე ვინმეს ხელს კი არ ვადებ და იმას კი არ ვამბობ, რომ შეფიცულ-გაფიცულთაგან უკლებლივ ყველაა მიერთებული სუსთან! როგორ გეკადრებათ! თავისი “სიმართლე” ყველას აქვს (გაგიკვირდებათ და, მაგალითად, გიორხელიძე რომაა “ექსპერტი”, იმასაც (რას მივადექი ახლა მას)! მაგრამ, მე ვახდენ Zoom Out – ს და ვამბობ – პირი უჩანს ამას არაკეთილსინდისიერების და სუსთან კოლაბორაციის! მინიმუმ ორი… სამი პირი იქნება მიერთებული ამ ხაზზე და… დანარჩენი პირობითად ოცეული იქნება აყოლილი!
ჰოდა, ვინც მიცნობს, იცის!
სიტყვებს არ ვანიავებ მე! უდიდესი გამოცდილებაც მიმაგრებს ზურგს! დღევანდელ ღლაპთა (ხელისუფლებას ვგულისხმობ) გაფართხალების ნიუანსების მიზეზებსაც ვხედავ ვჭვრეტ!
ხოლო ჩემს ფრენდებს, რომლებიც გულდათუთქულნი აზიარებენ ნიუსს “ფორმულას” “უსამართლობის” თაობაზე, ვურჩევ… ფართო სურათში ამ ამბის ჩასმას და ისე რეაქციას!..
თქვენი ტაბლო”
კომენტარები