“მინდა დავეხმარო ადამიანს კიბოს სამკურნალოდ და არ მაქვს უფლება გადავურიცხო ჩემი (!) კუთვნილი დანაზოგი!” – კალატოზიშვილი

“ამ დროისთვის მე მაქვს 10000-მდე ლარი საპენსიო დანაზოგი. უნდა შემეძლოს ამ თანხის გადარიცხვა ქველმოქმედებაზე და ადამიანის სიცოცხლის გადასარჩენად. თუნდაც გამონაკლისის სახით მხოლოდ ასეთ აქტივობაზე. არ მინდა ეს ფული რაღაც გაუგებარი მომავლისთვის და გაუგებარი მსყიდველობითი უნარიანობით, როცა კაცმა არ იცის, რის ყიდვას შეძლებს ადამიანი ამ ფულით (შეიძლება ერთი შოთის პური მომივიდეს, რა იცი!). ჰოდა, აი, ახლა და ამ დროს მინდა დავეხმარო ადამიანს შეაგროვოს კიბოს სამკურნალო ფული და არ მაქვს უფლება და საშუალება გადავურიცხო ჩემი (!) კუთვნილი დანაზოგი! არ მინდა ეს ფული მერე, ახლა მინდა შევიტანო ჩემი წვლილი ადამიანის გადარჩენაში!”