მიხეილ საააკაშვილს პისიარ ტესტი ჩაუტარდა და ახლა პასუხს ელოდებიან – ამის შესახებ სასჯელაღსრულების მე-18-ე დაწესებულებიდან გამოსულმა ადვოკატმა, დიმიტრი საძაგლიშვილმა, განაცხადა. მისი ინფორმაციით, საქართველოს მესამე პრეზიდენტის ჯანმრთელობის მდგომარეობა დღეს ისე დამძიმდა, რომ მან დღეს რამდენჯერმე ლოგინიდან ადგომაც კი ვერ მოახერხა. ამ ფაქტის გამო მასთან რამდენჯერმე ციხის ექიმები შევიდნენ.
დიმიტრი საძაგლიშვილის თქმით, მიხეილ სააკაშვილი მიესალმება დღევანდელ აქციას და აღნიშნავს, ,,მძლავრი საპროტესტო მსვლელობა იმის ნათელი დადასტურებაა, რომ რეჟიმი ისე დასუსტდა, რომ აქციიის დარბევის მცდელობაც კი არ ჰქონია”.
სააკაშვილი აცხადებს, რომ ოპოზიციის მთავარი ამოცანა ვადამდელი არჩევნების დანიშვნაა და მისი გათავისუფლება ამ პროცესს ხელს შეუწყობს.
ადვოკატის ინფორმაციით, მიხეილ სააკაშვილი მიესალმება უკრაინის სახალხო დამცველის საქართველოში ჩამოსვლას და იმედი აქვს, რომ ლუდმილა დენისოვას მიეცემა სასჯელაღსრულების მე-18-ე დაწესებულებაში შესვლის საშუალება.
კომენტარები