შემოქმედის ეპარქიის მღვდელს, მამა იოსებს (ღლონტი) მიტროპოლიტმა მეუფე იოსებმა, რამდენიმე თვით მღვდელმსახურების უფლება შეუჩერა. ამის მიზეზი სასულიერო პირის მხრიდან სოციალურ ქსელში უხამსი ფოტომონტაჟის გავრცელება გახდა. ფოტომონტაჟი ჟურნალისტებს, მათ შორის, ტვ პირველის საინფორმაციო სამსახურის ხელმძღვანელს, ნოდარ მელაძეს, ეხებოდა და ამის გამო მამა იოსებმა გუშინ ტვ პირველს და ნოდარ მელაძეს საჯაროდაც მოუბოდიშა:
მამა იოსები დაისაჯა უცენზურო ფოტომონტაჟის გამოქვეყნების გამო. რამდენიმე თვით შეუჩერდა მღვდელმსახურება,” – აღნიშნა მეუფე იოსებმა “გურიის მოამბესთან”.
შეგახსენებთ, რომ უხამსი პოსტის შემდეგ, მამა იოსებმა, თქვა:
“ვერ გავთვალე რაღაცაზე არასწორად დავაჭირე ხელი და წავშალე, მივხვდი რომ ეს იყოს მიუღებელი სირცხვილი იყო ისეთი რაღაც ეწერა. ღმერთმა კარგად ამყოფოს ყველა, მიუხედავად იმისა რომ საერთოდ არ ვუყურებ მე ტელევიზორს.”
მღვდელი ამბობს, რომ მიესალმება თუ მედია სასულიერო პირებს ამხელს, რადგან ეკლესია პედოფილებისგან და ნარკოდამოკიდებულებისგან გაიწმინდება.
“სასულიერო პირები ზრდასრული ადამიანები არიან, თუ მოიხმარენ ნარკოტიკებს, თვითონ აგონ პასუხი ღვთის წინაშე, მე რატომ უნდა ვაგო.თუკი მედია გაახმაურებს ძალიან კარგი, წმენდა მოხდება და აღარ გვეყოლება ნარკომანები და პედოფილები“
კომენტარები