აღდგომის წირვის ჩატარებასთან დაკავშირებით, ხელისუფლებისა და საპატრიაქოს ბუნდოვანმა შეთანხმებამ და კითხვები გააჩია არა მარტო საზოგადოებაში, არამედ “ქართული ოცნების“ გუნდშიც. მმართველ პარტიაში ამბობენ, რომ ხელისუფლებამ სწორად არ იმოქმედა.
“ქართული ოცნების“ დეპუტატი რევაზ არველაძე “2020NEWS“-თან ინტერვიუში აცხადებს, რომ კორონავირუსის პანდემიიდან გამომდინარე, ხელისუფლებას მრველისთვის ეკლესიებში მისვლა რამდენიმე დღით უნდა აეკრძალა.
რევაზ არველაძე: შეზღუდვები რომ არ იყოს, ვირუსი ქვეყანაში აბსოლუტურად უმართავად გავრცელდება. ტყუილად კი არ ლაპარაკობენ ამირან გამყრელიძე, თენგიზ ცერცვაძე, პაატა იმნაძე – ეს ადამიანები სუპერ პროფესიონალები არიან.
ვფიქრობ, ხელისუფლებას ამ დღეების განმავლობაში ხალხისთვის ეკლესიებში მისვლაც უნდა აკრძალა. ამ დღეებში ეკლესიებში ერთდროულად ძალიან ბევრი ადამიანი მიდის. მე ვთვლი, რომ ეკლესიამაც უნდა მოუწოდეოს მრევლს სახლში დარჩენისკენ.
წირვების ჩატარება ეკლესიის საქმეა – ვამბობ, რომ ასეთ ვითარებაში მოსახლეობა ეკლესიაში წირვას არ უნდა დაესწროს.
როდესაც ქვეყანაში ასეთი ვითარებაა, ხელისუფლებას ეკლესიაც უნდა დაექვემდებაროს.
ერთ-ერთ ქვეყანაში ოთხი სასულირო პირი დააპატიმრეს, იმის გამო, რომ მთავრობის მიერ დადგენილი წესები დაარღვია. არ ვამბობ, რომ ვინმე უნდა დავიჭიროთ, მაგრამ ეკლესიაც კარგად უნდა ათვითცნობიერებდეს, რამდენად სახიფათოა ეს ვირუსი ქვეყნისთვის.
-მროველ-ურბნელმა მიტროპოლიტმა, მეუფე იობმა ქადაგებისას განაცახდა, რომ “მთავარი უნდა იყოს პატრიარქის მოწოდება და არა ურწმუნო მთავრობისა და ექიმების“, “კორონავირუსი ხელოვნურად თავსმოხვეული ფსიქოზია“.
-რატომ ვერ აცნობიერებს საპატრიარქო მოსალოდნელ საფრთხეებს, ვერ გეტყვით. რაც შეეხება მეუფე იობის განცხადებას, ეს სიტყვა შეიძლება იყოს ნათქვამი ისეთი ადამიანის მიერ, რომელიც მძიმე სიტყვებს ვერ ვიტყვი, გაუთვითცნობიერებელია.
ასეთ ადამიანებს მინდა ვუთხრა, რომ წინა პანდემის მძვინვარების დროს, ევროპაში 50 მილიონი ადამინი დაიხოცა, მათ შორის, ძალიან დიდი რაოდენობის სამღვდელო ხალხი. ამ მოცემულობიდან უნდა გამოვიდეს ყველა. თითოეული ადამიანი უნდა ფიქრობდეს საკუთარ ხალხზე და არა იმაზე, რამდენი კაცი მივა იმ ადგილას და რამდენი -არა.
ხალხმა, უნდა დაუჯეროს სპეციალისტებს, პრფესიონალებს – ინფეცქიონისტებსა და ეპიდემიოლოგებს.
-საპატრიარქოს პრესცენტრის ხელმძღვანელის, დეკანოზ ანდრია ჯაღმაიძის განცახდებით, ტაძრებში სააღდგომო მსახურება ღია ცის ქვეშ , საღამოს 21:00-დან დილის 06:00 საათამდე შესრულდება.
-კანონი, რა თქმა უნდა, დაირღვევა. მე არ ვიცი, რას მოიმოქმედებს ხელისუფლება და პირადად შს სამინისტრო, რომლის ვალია, მიხედოს ამ საქმეს და დამრღვევები დააჯარიმოს. თუ კანონდარღვევას მასობრივი ხასიათი ექნება, ამ ხალხს დარბევას ხომ არ დაუწყებენ?! იმას მაინც ეტყვიან, რომ ხალხმა ერთმანეთთან დისტანცია უნდა დაცვას.
ჩემი აზრით, ამ ნაწილში ხელისუფლებამ ცოტა რაღაც დააკლო. კანონი ყველაზე უნდა გავრცელებულიყო. მრავალ ქვეყანაში ეკლესიებში ხალხის მისვლა საერთოდ აიკრძალა. მრევლმა სახლში უნდა ილოცოს. სასულიერო პირებმა წირვა-ლოცვა ტაძრებში ჩაატარონ, მაგრამ იქ ხალხი დროებით არ უნდა მივიდეს.
წყარო – 2020ნიუსი
კომენტარები